578
අමරපුර මහා නිකායේ සිරි සද්ධම්ම වංස පාර්ශ්වයේ වැඩබලන මහානායක දික්වැල්ල දීඝවාළුකාරාම රාජ මහා විහාරස්ථාන ඇතුළු විහාර ගණයේ විහාරාධිපති මාර/විද්‍යාතිලක මහ පිරිවෙනේ කෘත්‍යාධිකාරී රාජකීය පණ්ඩිත දික්වැල්ලේ ඤාණවංස නාහිමිපාණන් වහන්සේ අපවත් වී වසර 17 සපිරේ.
ඒ නිමිත්තෙන් විශේෂ ගුණ සමරු පින්කම් මාලාව අප්‍රේල් මස 01 සහ 02 දෙදින දික්වැල්ල දිඝවාළුකාරාම රජමහා විහාරස්ථානයේදී වත්මන් විහාරාධිපති සීනිපැල්ලේ රතනවංස නාහිමියන්ගේ අනුශාසනා පරිදි පැවැත්වේ.
අප්‍රේල් මස 02 වෙනි දින අටපිරිකර සහිත සපිරිකර සඟ සතු දානමය පින්කම සඳහා අමරපුර සිරි සද්ධම්මවංස මහ නිකායේ මහා නායක සිරි සුගත ශාසන වංසාලංකාර සිරි සද්ධම්ම වංසපාල ඝණාචරිය මහෝපාධ්‍යාය අතිගරු අහුන්ගල්ලේ සිරි සීල විසුද්ධි මහානාහිමියන් ප්‍රධාන පනස් නමකට අධික මහ සඟරුවන විෂයෙහි පිදෙන දානමය පින්කම ද වේ.
