තෑගි දෙන බව කියන වෙළෙඳ නාම සමඟ සම්බන්ධ නොවන්න

වෙ‍ෙළඳ සලකුණු මඟින් තෑගි ලබාදෙන බව පවසමින් සමාජ මාධ්‍යයේ හුවමාරුවන සබැඳි (Links) හා සම්බන්ධ වීමෙන් වළකින ලෙස ශ්‍රී ලංකා පරිගණක හදිසි ප්‍රතිචාර සංසදය (SLCERT) ජනතාවගෙන් ඉල්ලා සිටියි.

එම සංසදයේ ජ්‍යෙෂ්ඨ තොරතුරු ආරක්‍ෂක ඉංජිනේරු චාරුක දමුණුපොළ පවසන්නේ එම සබැඳි SMS, WhatsApp, X (Twitter), Facebook සහ ජංගම දුරකතනයට ලැබෙන ඇමතුමක් ලෙසින්ද ලැබිය හැකි බවයි. මේ බොහෝ සබැඳි ව්‍යාජ ඒවා බවත් ඒ බව නොදැන ‘ෂෙයාර්‘ කරන මිතුරු කණ්ඩායම් හරහා ඒවා ලැබිය හැකි බවද ඔහු පෙන්වාදෙයි.

එම සබැඳි හා එක්වීමේදී ජාතික හැඳුනුම්පත (NIC), බැංකු ගිණුම් විස්තර, මුරපද (OTP), සේවා ස්ථාන විස්තර වැනි පෞද්ගලික තොරතුරු ලබාගෙන ඒ හරහා විශාල ගැටලුවලට මෙන්ම බැංකු ගිණුම්වල ඇති මුදල් පවා අහිමි වීමට ඉඩ ඇති වනු ඇත.