Cinnamon Hotels & Resorts හි වනජීවී සහ සොබාදහම ඉලක්ක කරගත් සංචාරක අංශය වන Cinnamon Nature Trails වෙතින් පාරිසරික චාරිකා පිළිබඳ විශේෂඥ වැඩපිළිවෙළක් කොළඹ නගරය කේන්ද්‍ර කරගනිමින් හඳුන්වා දුන්නේය. මෙම වැඩපිළිවෙළ අංග 5කින් සමන්විතය. නගරාශ්‍රිත පරිසර විවිධත්වය කේන්ද්‍ර කරගනිමින් නිර්මාණය කර තිබේ. Cinnamon Nature Trails යනු, වසර ගණනක් BBC Natural History Productions, Nat Geo Wild සහ මෑතකදී BBC Studios විසින් නිර්මාණය කළ BBC Planet Earth 3 වැනි වනජීවී වාර්තා චිත්‍රපට සඳහා දායකත්වය දුන් ව්‍යාපෘතියකි.
“ඓතිහාසික ස්ථාන පිළිබඳ උනන්දුවක් ඇති, නාගරික විවිධත්වය අගයන හෝ අප්‍රකට ස්ථාන සොයා යන සංචාරකයකුට වුවද මේ තුළින් සංචාරක ගමනාන්තයකට එහා ගිය අත්දැකීමක් කොළඹ ආශ්‍රිතවම විඳීමට හැකි වනවා…” යනුවෙන් Cinnamon Hotels & Resorts කොළඹ ප්‍රාදේශිකයේ උපසභාපති කමල් මුණසිංහ පැවසීය.
