Southern MICE Expo ප්‍රදර්ශනය 2024 මැයි 27 දින සිට 31 දින දක්වා පැවැත්වේ. සංචාරක හා ඉඩම් අමාත්‍යාංශය සමග එක් වී ශ්‍රී ලංකා සම්මේලන කාර්යාංශය (Sri Lanka Convention Bureau – SLCB) විසින් සංවිධානය කරනු ලබන මෙම ප්‍රදර්ශනයේ අරමුණ වන්නේ දකුණු පළාත Meetings, Incentives, Conferences, Exhibitions and Events (MICE) කාණ්ඩයේ සංචාරක කටයුතු සඳහා ප්‍රමුඛ ගමනාන්තයක් ලෙස ප්‍රවර්ධනය කිරීමයි.
ඉන්දියාව, චීනය, පාකිස්ථානය, ජර්මනිය, රුසියාව, ප්‍රංශය, එක්සත් රාජධානිය, තුර්කිය, එක්සත් අරාබි එමීර් රාජ්‍යය, බංග්ලාදේශය, කටාර්, මැලේසියාව, ජපානය, ඉරානය සහ සිංගප්පූරුව ඇතුළු රටවල් රැසක් මීට සහභාගී වේ.
සංචාරක අමාත්‍ය හරීන් ප්‍රනාන්දු මහතා මෙම ප්‍රදර්ශනය සම්බන්ධයෙන් මෙසේ පැවසීය.
“ශ්‍රී ලංකාවේ දකුණු පළාත MICE සංචාරක ගමනාන්තයක් ලෙස ජනප්‍රිය කරවීම සඳහා සියලු පාර්ශ්වකරුවන් එක්තැන් කරමින්, ශ්‍රී ලංකාව තුළ සම කළ නොහැකි MICE අත්දැකීමක් නිර්මාණය කිරීම සඳහා පදනමක් සැපයෙන වා. මෙමගින් රටේ ආර්ථිකයට සවිමත් අත්වැලක් හිමි වේවි.”
