1.6K
පසුගිය මාර්තු මස අවසන් වන විට ශ්‍රී ලංකාවේ දළ නිල සංචිත අමෙරිකානු ඩොලර් බිලියන 5 දක්වා වැඩි වී ඇතැයි ශ්‍රී ලංකා මහ බැංකුව පවසයි.
දළ නිල සංචිත වැඩිවීමට ප්‍රධාන වශයෙන් හේතුව වී ඇත්තේ ශ්‍රී ලංකා මහ බැංකුව විසින් දේශීය විදේශ විනිමය වෙළෙඳපොළෙන් විදේශ විනිමය සැලකිය යුතු ලෙස මිලදී ගැනීමයි.
එසේම උපයෝගිතා පිළිබඳ කොන්දේසිවලට යටත්ව, චීන මහජන බැංකුවේ ඩොලර් බිලියන 1.5කට සමාන හුවමාරු පහසුකම ද මෙයට ඇතුළත්ව ඇතැයි මහ බැංකුව පෙන්වා දෙයි.
මාර්තු මාසයේදී ශුද්ධ මැදිහත් වීම අමෙරිකානු ඩොලර් මිලියන 715ක් වූ අතර 2024 පළමු කාර්තුව තුළ ශුද්ධ මිලදී ගැනීම් ඩොලර් බිලියන 1.2ක් විය.
තාරක වික්‍රමසේකර