NSBM උපකුලපතිට 2024 විශිෂ්ටතම පුරවැසි සම්මානය

NSBM හරිත සරසවියේ උපකුලපති මහාචාර්ය ඊ. ඒ. වීරසිංහ මහතා 2024 සිංහ තිරසර සම්මාන උලෙළේදී, සමාජයට දක්වන සුවිශේෂී දායකත්වය වෙනුවෙන් 2024 වසරේ විශිෂ්ටතම පුරවැසියාට හිමි ගෞරව සම්මානයෙන් පිදුම් ලැබීය. මෙම සම්මානය 2024 ජූනි 9 වැනි දින පැවති ජාත්‍යන්තර සිංහ සමාජයේ 19 වැනි වාර්ෂික දිස්ත්‍රික් සමුළුවේදී උත්කර්ෂවත් අයුරින් මහාචාර්ය වීරසිංහ වෙත පිරිනමන ලදි.

ජාත්‍යන්තර සිංහ සමාජයේ 306 A1 දිස්ත්‍රික් ශාඛාව විසින් ‘සමාජයට දක්වන සුවිශේෂී දායකත්වය’ යන තේමාව යටතේ, රටට සුවිශේෂී මෙහෙයක්, අමිල සේවාවක් හෝ ක්‍රියාවක් සිදු කළ පුද්ගලයින් සහ සංවිධාන හඳුනා ගෙන ඔවුන් ඇගැයීමට’ වසරේ විශිෂ්ටතම පුරවැසියාට හිමි ගෞරව සම්මානය’ ප්‍රදානය කෙරේ. ඒ අනුව මහාචාර්ය වීරසිංහ විසින් මෙරට සමාජයට සහ ප්‍රජාවට ලබා දුන් තිරසර දායකත්වය වෙනුවෙන් මෙම ගෞරව සම්මානය පිරිනමා ඇත.