බද්ධ ශල්‍ය තාක්ෂණ විෂයෙහි ප්‍රමුඛ ගෝලීය සන්නාමයක් වන නොබෙල් බයෝකෙයා (Nobel BioCare) නිෂ්පාදන ශ්‍රී ලංකාවට නිල වශයෙන් හඳුන්වා දීම පසුගියදා සිදු විය. එම සමාගම පවසන්නේ තම සමාගමේ දිගුකාලීන සේවා පළපුරුද්ද , ප්‍රමුඛ සායනික විශේෂඥතාවන් සහ අතිනවීන දන්ත ශල්‍ය තාක්ෂණයන්ගෙන් පන්නරය ලද කීර්තිමත් නොබෙල් බයොකේයා නිෂ්පාදන, මුල් වරට ශ්‍රී ලංකාවට හඳුන්වා දීමට හැකිවීම සතුටට කරුණක් බවයි.
මෙම සන්නාමය ශ්‍රී ලංකාවට හඳුන්වා දීම සඳහා ක්‍රියාකරන්නේ, ශ්‍රී ලංකාවේ ප්‍රමුඛ වෛද්‍ය උපකරණ සැපයුම්කරුවකු වන Delmage HealthCare සමාගමයි.
” නොබෙල් බයෝකෙයා යනු, නව්‍ය ආදාන මත පදනම් වූ දන්ත ප්‍රතිසංස්කරණ ක්ෂේත්‍රයේ ලොව ප්‍රමුඛයෙක්. වසර 65ක් පුරා අඛණ්ඩ නවෝත්පාදන තුළින් ගොඩනඟා ඇති අපගේ ඉලක්කය වන්නේ දන්ත වෛද්‍ය වෘත්තිකයන් හා ඔවුන්ගේ රෝගීන්ට අසමසම දන්ත ශල්‍ය පහසුකම් සැපයීමයි…” යනුවෙන් Envista Holdings Corporation හි ඉන්දියාවේ සහ දකුණු ආසියාවේ සාමාන්‍යාධිකාරී ප්‍රියබිම්බ් බාර්ත්වාල් පැවසී ය.
