912
ගෙවුණු වසර 4ක කාලය තුළ විශ්වවිද්‍යාලවලට සිසුන් ඇතුළත් කිරීමේ ධාරීතාව 50%කින් වැඩිකර ඇතැයි විශ්වවිද්‍යාල ප්‍රතිපාදන කොමිසමේ සභාපති ජ්‍යෙෂ්ඨ මහාචාර්ය සම්පත් අමරතුංග සිළුමිණට පැවැසීය. පසුගියදා නිකුත් වූ උසස් පෙළ ප්‍රතිඵල අනුව මේ වසරේද විශ්වවිද්‍යාල පද්ධතියට සිසුන් 45,000ක ප්‍රමාණයක් බඳවා ගැනීමට නියමිතය.
විශ්වවිද්‍යාල ප්‍රතිපාදන කොමිසමේ සභාපති ජ්‍යෙෂ්ඨ මහාචාර්ය සම්පත් අමරතුංග වැඩිදුරටත් සිළුමිණට අදහස් දක්වමින් පැවැසූයේ 2020 වසරේ සිට විශ්වවිද්‍යාලවලට සිසුන් ඇතුළත් කිරීම වැඩි කරමින් පැමිණි බවයි.
එනම් 2020 වසරේ සිසුන් 30,000ක ප්‍රමාණයක සිට 2024 වසර වන විට සිසුන් 45,000ක ප්‍රමාණයක් දක්වා වැඩිකරමින් පැවැති බවත්, මේ වන විට වසර 4ක විශ්වවිද්‍යාලවලට සිසුන් ඇතුළත් කිරීමේ ධාරිතාව සිසුන් 160,000 දක්වා එනම් 50% කින් වැඩිකර ඇති බවයි.
සුභාෂිණි ජයරත්න