950
NDB බැංකු කාර්ය මණ්ඩල සාමාජිකයන්ගේ සංකල්පයකට අනුව ඔවුන් විසින්ම නිර්මාණය කළ ඩිජිටල් වෙසක් තොරණ මෙවර වෙසක් සැමරුම්වලට සමගාමීව මහජන ප්‍රදර්ශනය සඳහා ඉදිරිපත් කරන ලදි.
මිනිත්තු 14ක සිත් ඇදගන්නාසුලු වීඩියෝවකින් සමන්විත මෙම දර්ශනීය ඩිජිටල් වෙසක් තොරණ වෙසක් දිනයේ හරය ඩිජිටල් වේදිකාවකට රැගෙන එමින්, සාම ජාතක කතා වස්තුව, කාලානුරූපීව ඉදිරිපත් කරනු ලැබීය. ගංගාරාම වෙසක් කලාපයට සමගාමීව ඉදිරිපත් කරනු ලැබූ මෙම ඩිජිටල් වෙසක් තොරණ කොළඹ, නවම් මාවතේ පිහිටි NDB ප්‍රධාන කාර්යාල පරිශ්‍රයේ ප්‍රදර්ශනය කෙරුණු අතර, එය අති විශාල ප්‍රේක්ෂක ආකර්ෂණයක් දිනා ගැනීමට සමත් විය.
