611
CIC Holdings PLC ශ්‍රී ලංකාවේ අනාගත හරිත නායකයින් පෝෂණය කිරීමේ අරමුණින් කොළඹ ආනන්ද විද්‍යාලය සමඟ සිය සහයෝගීතාව මෑතකදී සමරනු ලැබීය. මෙම අවස්ථාවට CIC සමූහ ප්‍රධාන විධායක නිලධාරී අරෝෂන් සේරසිංහ සහ CIC කෘෂි පර්ෂද කළමනාකාර අධ්‍යක්ෂ වරුණ මදවනආරච්චි මහත්වරුද එක්ව සිටියහ.
කොළඹ ආනන්ද විද්‍යාලයේ විදුහල්පති ඩී.එම්.එල්.පී දිසානායක, ගුරුවරු සහ සිසුන් විසින් CIC සමූහ ප්‍රධාන විධායක නිලධාරී සහ කෘෂි පර්ෂද කළමනාකාර අධ්‍යක්ෂ මහත්වරු වෙත සිය අස්වැන්න පිළිගැන්වූහ. ආහාර සුරක්ෂිතතාව, ගෝලීය උෂ්ණත්වය ඉහළ යාමට එරෙහිව සටන් කිරීම සහ තිරසර හරිත මූලාරම්භයන් ප්‍රවර්ධනය කිරීම වැනි කරුණු පිළිබඳ සිසුන් තුළ වූ උනන්දුවට අත්වැලක් වෙමින් මේ සඳහා බීජ සහ පොහොර අවශ්‍යතා සපුරනු ලැබුවේ CIC ආයතනය විසිනි.
