‘ඉතුරුමට තෑග්ගක්’ යන තේමාව යටතේ NDB අරලිය ඉතුරුම් ප්‍රවර්ධන වැඩසටහනක් ජුනි 3 වැනිදා සිට ජූලි 31 වැනිදා දක්වා ක්‍රියාත්මක කරන බව NDB බැංකුව නිවේදනය කරයි. කාන්තාවන්ගේ විශ්වාසය සහ ඔවුන් කරන කැපවීම අගය කිරීමේ විශේෂ සංකේතයක් ලෙස ඔවුන්ගේ ඉතුරුම් සඳහා සුවිශේෂී ත්‍යාග පිරි නමමින් මෙම වැඩසටහන ක්‍රියාත්මක කෙරේ.
මෙම ප්‍රවර්ධන කාලය තුළ අවම වශයෙන් රුපියල් 15,000/-ක තැන්පතුවක් සහ රුපියල් 25,000/-ක තැන්පතුවක් සමඟ NDB අරලිය ගිණුමක් ආරම්භ කරන නව ගනුදෙනුකරුවන්ට අරලිය සන්නාමය සහිත ත්‍යාග පිරිනැමේ.
NDB අරලිය යනු, ඉතුරුම් ගිණුමක් පමණක් නොව, කාන්තාවන්ගේ විවිධ මූල්‍ය අවශ්‍යතාවන් සපුරාලීම සඳහා සකස් කරන ලද පුළුල් බැංකුකරණ විසඳුමකි. ගිණුම් හිමියන්ට ඉහළ පොලී අනුපාත සහ ඔවුන්ගේ පවුලේ අයට රුපියල් 1,000,000/- දක්වා නොමිලේ ජීවිත රක්ෂණ ආවරණයක් සහ නොමිලේ රෝහල්ගත වීමේ ආවරණයන්… වැනි ප්‍රතිලාභ හිමිවේ.
