ජනාධිපති පරිසර සම්මාන උලෙළේ දී Hidramani Apparel ඇගැයේ

2024 ජනාධිපති පරිසර සම්මාන උලෙළේ දී ඇඟලුම් කර්මාන්ත අංශයේ රන් සම්මානය Hidramani Apparel සමාගම විසින් හිමිකර ගන්නා ලදි. මෙම ඉහළම සම්මානය හිමි වූයේ, සමාගමේ මිහිල ආයතනය වෙනුවෙනි. Hidramani ජා ඇල Sithro (සේදුම්) සහ Hidramani සීතාවක (සේදුම්) යන ආයතනයන්ටද, Textile Processing Sector අංශයේ රිදී සහ ලෝකඩ සම්මාන පිළිවෙළින් හිමි විය. තවද, ඇඟලුම් කර්මාන්ත අංශයේ Hidramani කුරුවිට ආයතනය ද කුසලතා සම්මානයක් හිමිකරගනිමින්, මුළු සම්මාන ගණන හතරක් දක්වා ඉහළ නංවන්නට සමත්විය. මේ පිළිබඳ Hidramani සමූහයේ අධ්‍යක්ෂ සිද්ධාර්ත් හයිඩ්‍රාමනි මහතා පැවසූයේ, ” මෙවැනි ඇගැයීම් මගින් අප ප්‍රබෝධයට පත් වී, යහපත් අනාගතයක් උදෙසා වන අපගේ දැක්ම හා ක්‍රියාවන් තවදුරටත් ඉදිරියට පවත්වාගෙන යෑම තහවුරු කරනු ඇත…”යනුවෙනි.