ආසියානු සංවර්ධන බැංකු ආධාර යටතේ වරාය සහ රේගුව ඩිජිටල් වෙයි

ශ්‍රී ලංකා වරාය සහ රේගුවෙහි ක්‍රියාපටිපාටිය කඩිනම් කිරීමට සහ වඩාත් විනිවිදභාවයක් ගෙන ඒමේ අරමුණින් ආසියානු සංවර්ධන බැංකුව ජාත්‍යන්තර සංවර්ධනය සඳහා වන එක්සත් ජනපද නියෝජිතායතනය සමඟ එක්ව ජාත්‍යන්තර ප්‍රමිතීන්ට අනුකූලව මෙම ආයතන ඩිජිටල්කරණය කිරීමේ වැඩසටහනකට ක්‍රියාකාරීව සහාය දක්වයි.

ආසියානු සංවර්ධන බැංකුව විසින් 2020 දී ශ්‍රී ලංකා වරාය අධිකාරිය සමඟ කරන ලද ඔවුන්ගේ තාක්ෂණික සහය උපදේශක වාර්තාවේ ඩිජිටල්කරණය කිරීම මගින් කොළඹ වරාය වඩාත් කාර්යක්ෂම කිරීමට උපකාරී වන බව සඳහන් කර තිබේ.

කොළඹ, ත්‍රිකුණාමලය, හම්බන්තොට, ගාල්ල, කන්කසන්තුරේ සහ ඔලුවිල් යන වරායන් මෙම වැඩසටහනේ විස්තර කර ඇති ප්‍රධාන වරායන් විය.

තොරතුරු තාක්ෂණ සහ පද්ධති පිළිබඳ නවෝත්පාදන, වරාය ප්‍රජා පද්ධතිය වැනි තාක්ෂණික වර්ධනයන් වරාය ක්ෂේත්‍රයේ අත්‍යවශ්‍ය වැඩිදියුණු කිරීම් ලෙස හඳුනා ගන්නා ලදී. රේගු ක්‍රියා පටිපාටිවල තවදුරටත් වැඩිදියුණු කිරීම් සහ ලොජිස්ටික් මධ්‍යස්ථාන සහ EPZ සඳහා වෙ‌ෙළඳ පහසුකම් ක්‍රියාත්මක කිරීම නව අපනයන උපාය මාර්ගය සඳහා FDI ආකර්ෂණය කර ගැනීම සඳහා වැදගත් සන්ධිස්ථාන වේ.

“පුද්ගලයින් සහ තාක්ෂණය සඳහා වන ආයෝජන තිරසර වර්ධනයක් සහතික කරනු ඇත” යනුවෙන් වාර්තාව පවසයි.

ඩිජිටල්කරණය කිරීම සහ උසස් තාක්ෂණයන් හඳුන්වාදීම මඟින් ශ්‍රී ලංකා වරාය ගෝලීය වරාය ප්‍රමිතීන් සමඟ “ස්මාර්ට් පෝට්” නිර්මාණය කරයි. තොරතුරු තාක්‍ෂණය හරහා සුසංයෝගය ඇති කිරීම ප්‍රධාන වන්නේ වරාය අංශය වෙනස් කිරීම සහ සමගාමී කිරීමට නවීන තාක්‍ෂණයන් උපයෝගී කර ගැනීමයි.

වරාය කර්මාන්තයේ ඩිජිටල්කරණය ඉදිරි ප්‍රවණතාවයයි. ලෝකයේ බොහෝ වරායන් ලක්ෂ්‍යයෙන් ලක්ෂ්‍ය සන්නිවේදනය සඳහා ඉලෙක්ට්‍රොනික දත්ත හුවමාරුව ක්‍රියාත්මක කර ඇත. FAL සම්මුතිය යටතේ නැව් සහ වරාය බලධාරීන් අතර ඩිජිටල් සන්නිවේදනය ක්‍රියාත්මක කිරීම 2018 වන විට අනිවාර්ය කෙරිණි.

විවිධ පාර්ශ්වයන් අතර එකවර EDI සන්නිවේදනය සහ පාර්ශ්වයන් අතර දත්ත හුවමාරු කර ගැනීමට ඉඩ සලසන Port Community පද්ධතියක් වරායන් කිහිපයක් තුළම ක්‍රියාත්මක කර ඇත. උදාහරණ වශයෙන් සිංගප්පූරු වරාය, දකුණු කොරියාව, නෙදර්ලන්තය සහ යනාදියයි. ඊළඟ අවධානය යොමු වන්නේ සැපයුම් දාමය හරහා ඩිජිටල්කරණය වැඩි කිරීමයි.

බොහෝ නැව් සංගම් ද ඩිජිටල් වීමේ වැදගත්කම කෙරෙහි අවධානය යොමු කර ඇත.

අපනයන සඳහා පහසුකම් සැලසෙන සහ ජීවන වියදම පහත හෙළන කඩදාසි රහිත වෙළඳාම සහතික කිරීම සඳහා ශ්‍රී ලංකා රේගුව ඇතුළු දේශසීමා ආයතන විසින් සපයනු ලබන සේවාවන් රජය විසින් සම්පුර්ණයෙන්ම ඩිජිටල්කරණය කළ යුතුය.