රසායනාගාර පර්යේෂණ, පරීක්ෂණ සහ සහතිකකරණ සේවා පිළිබඳ ප්‍රකට ගෝලීය සමාගමක් වන බියුරෝ වෙරිටාස් (Bureau Veritas) සමූහයට අනුබද්ධිත බියුරෝ වෙරිටාස් කන්සියුමර් ප්‍රඩක්ට්ස් සර්විසස් ලංකා (Bureau Veritas Consumer Products Services Lanka) පුද්ගලික සමාගම, පසුගිය දා පැවැති ජනාධිපති පරිසර සම්මාන උලෙළේදී ‘ පරිසරයට සිය දායකත්වය ලබා දෙන හොඳම පෞද්ගලික ආයතනය සඳහා වූ රිදී සම්මානය හිමි කර ගැනීමට සමත් විය. එය බියුරෝ වෙරිටාස්හි පරිසර හිතකාමී බව මෙන්ම විවිධ කර්මාන්ත ක්ෂේත්‍රවලට අයත් සිය පාරිභෝගික ආයතන වෙත ඔවුන්ගේ තිරසර වැඩසටහන් සාර්ථක කර ගැනීමට බියුරෝ වෙරිටාස් මඟින් ලබා දෙන දායකත්වයට ලද ඇගැයීමකි.
“මෙම සම්මානයෙන් පිදුම් ලැබීම බෙහෙවින් සතුටක්. මෙම සම්මානය තිරසරභාවය සහ පරිසර ආරක්ෂණය වෙනුවෙන් අපගේ නායකත්ව භූමිකාව තවදුරටත් ශක්තිමත් කිරීමට හේතු සපයනවා.. ” යනුවෙන් බියුරෝ වෙරිටාස් කන්සියුමර් ප්‍රඩක්ට්ස් සර්විසස් ලංකා පුද්ගලික සමාගමේ සාමාන්‍යාධිකාරී හර්ෂ වනසිංහ පැවසීය.
