නුවර පෙරහරට විශේෂ බස් සේවා

මහනුවර ඇසළ පෙරහර මංගල්‍යය වෙනුවෙන්, එළැඹෙන 14 වැනිදා සිට 19 වැනිදා දක්වා දිවා රාත්‍රී සේවා ලෙස විශේෂ බස් රථ සේවාවන් ක්‍රියාත්මක කිරීමට ශ්‍රී ලංකා ගමනාගමන මණ්ඩලය කටයුතු කර තිබේ.

ඒ අනුව මහනුවර දිස්ත්‍රික්කයම ආවරණය වන පරිදි සියලු ගමනාන්තයන් උදෙසා බස් රථ 438 ක් යෙදවීමට පියවර ගෙන ඇත.

ඊට අමතරව අනුරාධපුරය, පොලොන්නරුව, කුරුණෑගල, කෑගල්ල, කොළඹ, නාවලපිටිය වැනි ප්‍රදේශවල සිට තවත් අතිරේක බස් රථ 100ක් යෙදවීමට ද සැලසුම් කර තිබේ.