2024 අවසන් වන විට tuktukrental.com වාහන සංචිතය දෙගුණයක් කෙරේ

tuktukrental.com 2024 අවසන් වන විට එහි රථ ප්‍රමාණය 1000ක් දක්වා වර්ධනය කිරීමට කටයුතු කරන බව පසුගියදා නිවේදනය කළේය. මීට අමතරව තමන් සමඟ කටයුතු කරන ත්‍රීරෝද රථ හිමිකරුවන් ඇගයීම වෙනුවෙන් tuktuk හිමිකරුවන්ගේ වාර්ෂික සමුලුවක් සංවිධානය කිරීමටද ඔවුන් කටයුතු කරන ලදි.රට පුරා විසිරුණු tuktuk හිමිකරුවන් 600කට අධික සංඛ්‍යාවක් එක්ව සිටි එම වාර්ෂික සමුළුව සඳහා සමාගම් අධ්‍යක්ෂවරු, කළමනාකරණ නියෝජිතයින් සහ Vega Innovations, ඔරියන්ට් ඉන්ෂුවරන්ස් ප්‍රධාන හවුල්කරුවන්, ප්‍රාදේශීය පොලිස් අධිකාරිය සහ යාන්ත්‍රික හවුල්කරුවන්ද එක් වූහ.