509
ටවර් හෝල් පදනම අනුග්‍රහයෙන් රුක්මණීදේවී අනුස්මරණ සංගමය විසින් ප්‍රථම වරට ඉදිරිපත් කරනු ලබන රුක්මණීදේවී යුග ගී මියැසිය ඔක්තෝබර් 18 වැනි ඉරු දින පෙරවරු 9.30ට පූජ්‍ය ඇල්ලේ ගුණවංශ නා හිමියන්ගේ අනුශාසකත්වයෙන් ටවර් හෝල් රගහල පදනම, විජේරාම මාවත, සව්සිරිපාය (බෞද්ධාලෝක මාවත) හි දී පැවැත්වේ.
නිර්මාතෘ හෙන්රි ප්‍රියශාන්ත මෙන්දිස්, සභාපතිනී ඊ.ජී.ඒ. චන්ද්‍රකාන්ති, සංවිධායිකා මාධ්‍යවේදිනී සුසිලා පතිරාජ සහ භාණ්ඩාගාරික අනුරාජ් අතපත්තුගේ සංවිධායකත්වයෙන් පැවැත්වෙන ගි මියැසිය සංගීතවත් කරනු ලබන්නේ ටවර් හෝල් කලාශිල්පී එම්. ජී. නිහාල් සිසිරසේන ප්‍රමුඛ වාදක මඩුල්ල විසිනි. එය මෙහෙයවනු ලබන්නේ ගුවන්විදුලි නිවේදක ක්වීන්ටස් වර්ණකුලසූරිය සමඟින් මාධ්‍යවේදී ප්‍රදීප් ප්‍රසන්න සමරකෝන්ය.
