1.4K
ඔස්ට්‍රේලියානු දේශසීමා බළකාය විසින් පසුගියදා ශ්‍රී ලංකා වෙරළ ආරක්ෂක දෙපාර්තමේන්තුව (SLCG) වෙත All-terrain වාහන (ATVs) ත්‍රිත්වයක් ප්‍රදානය කරන ලදි. මෝටර් සහිත මෙම කුඩා off-highway වාහන රළු භූමිවල ප්‍රවාහනය සඳහා පහසුවෙන් භාවිත කළ හැකි අතර, එය ශ්‍රී ලංකා වෙරළ ආරක්ෂක දෙපාර්තමේන්තුවේ වෙරළ ආශ්‍රිත මුර සංචාර වෙනුවෙන් උපකාරී වනු ඇත. මෙම වසරේ මුල් භාගයේදී ඔස්ට්‍රේලියානු දේශසීමා බළකා මූලස්ථාන පරිශ්‍රයේ සිදු කළ සංචාරයක දී ATVs ධාවනය කිරීම පිළිබඳ පරීක්ෂා කළ බව ශ්‍රී ලංකා වෙරළ ආරක්ෂක දෙපාර්තමේන්තුවේ අධ්‍යක්ෂ ජනරාල් රියර් අද්මිරාල් පූජිත විතාන මහතා සඳහන් කළ අතර ATVs මුහුදු වෙරළේ මුර සංචාරක කටයුතු වැඩි දියුණු කිරීමට සූදානම් කර ඇති බව ඔහු පැවසීය.
