මේෂ – ධන ලාභ
සඳු ගමන් ගන්නේ 2, 3, 4 යන භාවයන් හරහාය. ඔබට ලැබෙන්නට තිබෙන යම් මුදලක් හෝ වෙනත් ලාභයක් හිමි වීමට හැකි මේ සතිය වාසනාවන්තය. සහෝදර, මා පිය ආදීන්ගේ උපකාරය ද හිමි කර දෙයි. ගෘහ ජීවිතය දරුවන්ගේ කටයුතු ආර්ථිකය සුබවාදී වෙයි. අපල අවම වීමට දුර්වල අයට උදව් උපකාර කරන්න.
සුබ අංක – 6, 8, 9 / සුබ වර්ණ – රතු, නිල් / සුබ දවස් – අඟහරුවාදා, බදාදා
වෘෂභ – යහපත් සතියකි
සඳු ගමන් ගන්නේ ලග්නය 2 හා 3 වැන්න හරහාය. කරන කියන රැකී රක්ෂා, ගෘහ ජීවිතය, සාමාජීය කටයුතු සහ ආර්ථිකය සුබ අතට හැරෙන මේ සතිය සතුටින් ගත කරන්නට හැකි වේ. නවක හිතවතුන් මුණ ගැසේ. සහජ දක්ෂතා මත අලුත් ව්‍යාපාර ගොඩ නංවන්නට හැකි සතියකි. පුණ්‍ය කටයුතුවලටද යොමු වේ. අපල අවම වීමට පොදු වැඩවලට උදව් දෙන්න.
සුබ අංක – 5,6 / සුබ වර්ණ- කොළ, සුදු / සුබ දවස් – බදාදා, සෙනසුරාදා.
මිථුන – දුර ගමන් යෙදේ
සඳු ගමන් ගන්නේ 12 ලග්නය හා දෙවැන්න හරහාය. ආරම්භයේ ලාභ පාඩු දෙකම සිදු විය හැකි අතර හිතවත් ඥාති කවුරුන් හෝ විදෙස්ගත වීමක් සිදු විය හැක. ඉන්පසු දින කීපය රැකියා ව්‍යාපාර දියුණුව, වචනයේ ප්‍රිය මනාප බවට අන්‍යයන්ගේ සුහදතාවය වර්ධනය වීමක් ද පෙන්නුම් කරයි. අතමිට මිල මුදලක් ගැවසේ. ගෙදර දොර කටයුතු පිළිවෙළට සහ අලංකාරව සකසයි.
අපල අවම වීමට කුඩා දරුවන්ට ආදරය කරුණාව දෙන්න.
සුබ අංක – 3, 5 / සුබ වර්ණ – කොළ සහ කහ / සුබ දවස් – බදාදා, සිකුරාදා.
කටක – ලැබීම් සහිතයි
සඳු ගමන් ගන්නේ 11, 12 ලග්නය යන භාවයන් මතිනි. ඔබට මේ සතිය ආරම්භය සිටම සතුටුදායකය. හිතවතුන්ගෙන් කුමන ආකාරයක හෝ වාසිදායක බවක් පෙන්වයි. දරුවන්ගේ අධ්‍යාපනය ගෘහ ජීවිතය ගැටලුවලින් තොරව පවත්වා ගත හැකි අතර නිෂ්ඵල ගමන් නිෂ්ඵල වියදම් සිත් රිදීම් ද ඇති විය හැකි බැවින් කල්පනාකාරී වන්න. අපල අවම වීමට පත්තිනි දේවියට පින් දෙන්න.
සුබ අංක – 2, 7, 9 / සුබ වර්ණ – සුදු, කහ / සුබ දවස් – අඟහරුවාදා, බදාදා.
සිංහ – සුබ සතියකි
සඳු ගමන් ගන්නේ 10, 11, 12 යන භාවයන් හරහාය. රැකියා සඳහා ඇවිදිලි වැඩි වුවත් ලාභ ප්‍රයෝජන අත්කර දෙයි. දේවකාරිය මෙන් සිතා රාජකාරිය ඉටු කරයි. ගෙදරදොර කටයුතු ද ඉතා හොඳින් කරගෙන යා හැකි තත්ත්වයක් ඇත. දරුවන්ගේ අධ්‍යාපනික ප්‍රගතිය ද ගෙන දෙයි. සුහද හිතවතුන් මුණ ගැසෙයි. සමහර විට ඇසුරු කරන අයෙක් ගැන කල කිරෙයි. අපල අවම වීමට අත පා ළඟට එන අසරණ අයෙකුට පිහිටක් වන්න.
සුබ අංක – 1, 4, 5 / සුබ වර්ණ – රතු, තැඹිලි / සුබ දවස් – අඟහරුවාදා, බදාදා.
කන්‍යා – පුණ්‍ය කටයුතු සිදු කරයි
සඳු ගමන් ගන්නේ 9, 10, 11 යන භාවයන් මතිනි. පුණ්‍ය සිතුවිලිවලින් ආරම්භ වන මේ සතිය ඔබ දෙලොව වැඩදායක කටයුතුවලට අත ගසයි. රැකියා, ව්‍යාපාර කටයුතු වලින් ලාභ ප්‍රයෝජන අත්වෙයි. ගෘහ ජීවිතය සැනසිල්ලේ ගත කිරීමට හැකි අතර පදිංචි ස්ථානයේ දියුණුව පිණිස අතහැර හෝ අතපසු වී තිබූ දේ නැවත අරඹයි.
සුබ අංක – 2, 3, 5 / සුබ වර්ණ – කහ, කොළ / සුබ දවස් – සිකුරාදා, බදාදා.
තුලා – මිශ්‍රඵල ගෙන දෙයි
සඳු ගමන් කරන්නේ 8, 9, 10 යන භාවයන් මතිනි. ආරම්භයේ කුමන හෝ කනගාටුදායක පුවතක් කන වැකීමට පුළුවන. ඉන්පසු සුපුරුදු ලෙස ඔබ දාන මාන හෝ පින්කමකට සහභාගි වෙයි. රැකියා, ව්‍යාපාර කටයුතු කරගෙන යයි. ගෙදර දොර වැඩ පිළිවෙලක් ඇතිව කරගෙන යාමට උනන්දු වෙයි. සිත් රිදීම්, කල කිරීම්, වචනය නිසා අමනාපකම් ඇති විය හැකි බැවින් ප්‍රවේශමෙන් කටයුතු කරන්න. අපල අවම වීමට වකුගඩු රෝගීන්ට පිහිට වන්න.
සුබ අංක – 1, 2, 4 / සුබ වර්ණ – රතු, සුදු / සුබ දවස් – සෙනසුරාදා, ඉරිදා.
වෘශ්චික – යහපත් මිතුරන් මුණ ගැසේ
සඳු ගමන් ගන්නේ 7, 8, 9 යන භාවයන් හරහාය. යුග දිවිය ගෘහ ජීවිතය යහපත්ව පවත්වාගත හැකි අතර රැකියා ව්‍යාපාර කරගෙන යාමේදී සුළු වශයෙන් බාධක පැමිණිය හැක. සේවකයන්ගේ ගැටලු ද මතුවෙයි. එමෙන්ම සාමාජීය පොදු වැඩ වෙනත් පිරිස් එක්රැස්වන තැන්වලදී යහපත් මිතුරන් ද මුණ ගැසේ. අසනීප, අජීර්ණ රෝග පෙන්වයි. අපල අවම වීමට ශල්‍යකර්මවලට ලක් වූ අයට උපකාර කරන්න.
සුබ අංක – 1, 2, 7 / සුබ වර්ණ – තැඹිලි / සුබ දවස් – අඟහරුවාදා, ඉරිදා.
ධනු – බාධා මැදින් ජයග්‍රහණය කරයි
සඳු ගමන් ගන්නේ 6, 7, 8 යන භාවයන් හරහාය. ආරම්භය සුබ වන අතර අතර මැදදී යම් බාධා මැදින් ජය ලබන්නට ද සිදු වේ. බාධකවලට පයින් ගසා ඉදිරියට යන ශක්තියක් ඔබ තුළ ඇති බැවින් කිසිවකට නොසැලී ඔබේ කටයුතු කරගෙන යන්න. අසනීප සුළු අනතුරු ගෙනදිය හැකි බැවින් ද ප්‍රවේශම් වන්න. අපල අවම වීමට ඉවසීමෙන් කටයුතු කරන්න.
සුබ අංක – 3, 5, 6 / සුබ වර්ණ – තැඹිලි, ලා නිල් / සුබ දවස් – බදාදා, සිකුරාදා.
මකර – ව්‍යාපාර ඇරඹීමට සුබයි
සඳු ගමන් ගන්නේ 5, 6, 7 යන භාවයන් මතිනි. දුවා දරුවන්ගේ අධ්‍යාපන ප්‍රගතිය පෙන්වන විවාහ ප්‍රමාද වූ අයට ඒවා පල දරන දින කීපයකි. සතුරන් මිතුරු විය හැකිය. විදෙස් ගමන් යෙදෙන විදෙස්ගත හිතවතුන් මුණ ගැසෙන කාලයක් ද වේ. ව්‍යාපාර අලුතින් අරඹන අදහසක්, අසනීප සෙම් රෝග මතුවිය හැක. අපල අවම වීමට භාවනාවක යෙදෙන්න.
සුබ අංක – 6, 8, 9 / සුබ වර්ණ – සුදු, නිල් / සුබ දවස් – සිකුරාදා, සෙනසුරාදා.
කුම්භ – දරුවන්ගේ අධ්‍යාපන ප්‍රගතිය
සඳු ගමන් ගන්නේ 4, 5, 6 යන භාවයන් මතිනි. ගෙදර දොර පදිංචි ස්ථානයේ අඩුපාඩු සකසා ගැනීමට උනන්දු වෙයි. දරුවන්ගේ ඉගෙනුම් මෙන්ම වෙනත් කටයුතු සඳහා ඉමහත් වෙහෙසක් දරයි. අමනාපව සිටි අය මිතුරු වුවත් වෙනත් අයෙක් සතුරු විය හැකි බැවින් ප්‍රවේශමෙන් සමාජ ඇසුර පවත්වා ගන්න. අපල අවම වීමට තිරිසන් සතුන්ට ආහාර දෙන්න.
සුබ අංක – 3, 7 / සුබ වර්ණ – රතු, සුදු / සුබ දවස් – බ්‍රහස්පතින්දා, සිකුරාදා.
මීන – සුබ සතියකි
සඳු ගමන් ගන්නේ 3, 4, 5 යන භාවයන් මතිනි. සහෝදර මාපිය දූ දරු එකතු පවුලේ සමගිය ඇති වෙයි. ඔවුනොවුන් එක්ව පුණ්‍ය කටයුතු සඳහා ගමන් බිමන් යයි. සහජ දක්ෂතා එළිදැක්වේ. ප්‍රාථමික අංශවල දුවා දරුවන්ගේ දක්ෂතා වර්ධනය වෙයි. පදිංචි ස්ථානීය වෙනසක් හෝ පිළිසකර කිරීමක් සිදුවිය හැක. අපල අවම වීමට බෝමළුව අමදින්න.
සුබ අංක – 1, 3, 4 / සුබ වර්ණ – කහ, තැඹිලි/ සුබ දවස් – බ්‍රහස්පතින්දා, අඟහරුවාදා.
