504
ශ්‍රී ශාක්‍යසිංහ සරසවිය සංවිධානය කරන ඩිප්ලෝමා ප්‍රදානෝත්සවය සහ ශ්‍රී ශාක්‍යසිංහ පදනමෙහි සාමාජිකත්වය ලබා ඇති දහම් පාසල් ගුරුවරුන් ඇගයීමේ උත්සවය හා ශාක්‍යසිංහ පදනමේ සාමාජිකයින් ඇගයීමේ මහෝත්සවය බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේ දී සැප්තැම්බර් 03 දා සවස 2.00 ට සිදු කෙරේ.
එම අවස්ථාව අතිගෞරවනීය අනුනායක ස්වාමීන් වහන්සේ මූලිකත්වයෙන් හා ආශිර්වාදයෙන් සිදු කෙරේ. ඒ සඳහා දෙස් විදෙස් සම්භාවනීය අමුත්තන් රැසක් සහභාගි වනු ඇත.
ශ්‍රී ශාක්‍යසිංහ සරසවිය බෞද්ධ අධ්‍යාපනය ප්‍රවර්ධනයට අමතරව නීතිය, සමාජ සේවය, මනෝ විද්‍යාව, දෙමළ භාෂාව, ඉංග්‍රීසි භාෂාව ආදී පාඨමාලා 10 කට අධික ප්‍රමාණයක් ඔස්සේ අධ්‍යාපන කටයුතු සාර්ථකව පවත්වාගෙන යන ආයතනයකි.
