TVS මෝටර් සමාගම (TVSM) විශේෂාංග රැසකින් සමන්විත TVS Raider 125 යතුරුපැදිය පසුගියදා ශ්‍රී ලංකාවට හඳුන්වා දුන්නේය. මෙම සුපිරි යතුරුපැදිය LCD ඩිජිටල් ස්පීඩෝමීටරයක්, iTouch Start තාක්ෂණය, සුපිරි LED ප්‍රධාන ලාම්පුව සහ ලෝකයේ පළමුවරට යතුරුපැදි සඳහා හඳුන්වා දෙන ආසනය යට භාණ්ඩ තැන්පත් කළ හැකි අවකාශය වැනි විශේෂාංග සහිතය. ඉන්දියාවේ TVS මෝටර් සමාගමේ ජාත්‍යන්තර විකුණුම් කටයුතු පිළිබඳ උප සභාපති රාහුල් නායක් පැවසුවේ, TVS Raider අතිනවීන තාක්ෂණය, අද්විතීය හා සුවිශේෂි නිමාව, අසමසම ධාවන තත්ත්වය නිසා එය තරුණ පරපුරේ තේරීම බවට පත් වනු ඇති බවයි.
” TVS මෝටර් සමාගමේ විශ්වසනීයත්වය, ගුණාත්මකභාවය සහ ක්‍රියාකාරිත්වය ශ්‍රී ලංකාවට අප හඳුන්වා දුන් සියලුම නිපැයුම්වල දක්නට ලැබේ…” ඉන්දියාවේ TVS මොබිලිටි සමාගමේ ජාත්‍යන්තර සභාපති සහ TVS ලංකා පුද්ගලික සමාගමේ අධ්‍යක්ෂ ජී.එස්. රාඝවන් පැවසීය.
ජායාරූපය – විමල් කරුණාතිලක
