1.1K
යුනියන් ඇෂුවරන්ස් සිය ඉහළ පෙළේ උපදේශකයින් සඳහා සුවිශේෂ රැකියා සංවර්ධන වැඩසටහන් පිරිනැමීම පිණිස ශ්‍රී ලංකා අලෙවිකරණ ආයතනය (SLIM) සමඟ අත්වැල් බැඳගෙන ඇත. මෙම සහයෝගිතාව අරඹා ඇත්තේ සේවාලාභීන්ගේ දිනෙන් දින වෙනස් වන අවශ්‍යතා වඩාත් හොඳින් සපුරාලීම සඳහා නියෝජිත ආයතන සහ බෑන්ක් ඇෂුවරන්ස් යන අංශ දෙකෙහිම උපදේශකයින්ගේ වෘත්තීය දියුණුව සහ කුසලතා ඉහළ නැංවීම අරමුණු කරගත් යුනියන් ඇෂුවරන්ස්හි ඉගෙනුම් අධ්‍යයන උපායමාර්ගයන්ට අනුකූල වන පරිදිය.
මේ පිළිබඳ යුනියන් ඇෂුවරන්ස් ප්‍රධාන නියෝජිත ආයතන නිලධාරි ඉම්තියාස් අනිෆ් පැවසූයේ, “ අපගේ සියලු සේවාලාභීන්ට ඉහළම මට්ටමේ සේවාවක් අඛණ්ඩව පිරිනැමීමට හැකි තත්ත්වයට අපගේ උපදේශකයින් පත් කරමින් කැපී පෙනෙන වෙනසක් ඇති කිරීම සඳහා මෙම වැඩසටහන ඉදිරියට පවත්වාගෙන යාමට අප බලාපොරොත්තු වනවා…” යනුවෙනි.
