1.1K
AIA ඉන්ෂුවරන්ස් ලංකා සමාගම, සිය බෙදාහැරීම් ජාලය ව්‍යාප්ත කරලීමේ ප්‍රයත්නයෙහි තවත් පියවරක් ඉදිරියට තබමින්, නොබෝදා මාලබේ නගරයේ දී නවතම AlA සංවර්ධන කාර්යාලයක් විවෘත කරන ලදි. නවීනතම තාක්ෂණය ඇතුළත් සියලු පහසුකම් සහිතව නිමවා ඇති මෙම කාර්යාලය අංක 463/1, අතුරුගිරිය පාර, මාලබේ දරන ස්ථානයේ පිහිටා ඇත. මෙම කාර්යාලය ඔස්සේ එක් එක් සේවාලාභියාට සරිලන පරිදි නිර්මාණය කර දෙනු ලබන රක්ෂණ විසඳුම් සමඟින් ගනුදෙනුකරුවන්ට වඩාත් සුවිශේෂී සේවාවක් අත්විඳීමේ අවස්ථාව උදා කර දී ඇත. ඒ ඔස්සේ, මාලබේ නගරයේ සහ ඒ අවට පාරිභෝගික ජනතාවට ජීවිත රක්ෂණ, සෞඛ්‍ය රක්ෂණ, විශ්‍රාම සැලසුම් සහ ආයෝජන යන පුළුල් පරාසයක් සහිත රක්ෂණ විසඳුම් රැසක් ලබා දීමට එම කාර්යාලයේ ප්‍රවීණ රක්ෂණ වෘත්තිකයින් වඩාත් කැපවීමෙන් යුතුව සහාය වනු ඇත.
