957
නෞකාවන්ට හරිත හයිඩ්‍රජන් සැපයීමේ හයිඩ්‍රජන් නිෂ්පාදනාගාරයක් ඇරැඹීමට පූර්ණ කටයුතු සකස් කර ඇතැයි ශ්‍රී ලංකා වරාය අධිකාරියේ සභාපති කීත් බර්නාඩ් මහතා සිළුමිණට කීය.
ලෝක බැංකු ආධාර සහිතව එම නිෂ්පාදනාගාරය ත්‍රිකුණාමලය වරාය ආශ්‍රිතව ආරම්භ කිරීමට කටයුතු යොදා ඇති බව පැවසූ ඒ මහතා කියා සිටියේ මේ වන විට නෞකාවන් ඩීසල් වැනි පොසිල ඉන්ධන වෙනුවට ක්‍රමයෙන් හරිත හයිඩ්‍රජන් භාවිතයට යොමුකර ඇති බවයි.
එම නිසා මෙරටට විශාල විදේශ විනිමයක් හරිත හයිඩ්‍රජන් සැපයීමෙන් උපයා ගත හැකි බවද ඔහු කීවේය. එම හරිත හයිඩ්‍රජන් නිෂ්පාදනයට අවශ්‍ය සියලු පහසුකම් ත්‍රිකුණාමලයේ සතු බවත් එය ඉතා පහසුවෙන් ක්‍රියාවට නැංවිය හැකි ව්‍යාපෘතියක් නිසා ලෝක බැංකු ආධාර කඩිනමින් ලබාගත හැකි වූ බවද ඔහු පෙන්වා දුන්නේය.
තාරක වික්‍රමසේකර