බම්බලපිටිය ශුද්ධ වූ පවුලේ කන්‍යාරාමයේ ප්‍රජාව සවිබල ගැන්වීමේ අරමුණින් NDB බැංකුව සුවිශේෂී HFC ඇෆිනිටි ක්‍රෙඩිට් කාඩ්පතක් හඳුන්වා දීම සඳහා සහයෝගීතාවයකට එළැඹිණි. බම්බලපිටිය ශුද්ධ වූ පවුලේ කන්‍යාරාමයේ හරිත ශාලාවේදී එළිදක්වන ලද මෙම කාඩ්පතෙන් එහි ආදි ශිෂ්‍ය සංගමයේ (PPA) සාමාජිකාවන් හට සුවිශේෂී ප්‍රතිලාභ රැසක් පිරිනමන ලදි.
මේ සම්බන්ධයෙන් අදහස් දැක්වූ NDB බැංකුවේ කාඩ්පත් අංශ ප්‍රධානී, සහකාර උප සභාපති, අශාන් වික්‍රමනායක මහතා, එය හුදෙක් කාඩ්පතක් පමණක්ම නොව එමඟින් සාමාජිකයින් හට මූල්‍ය පහසුව අත්විඳිමින් තමන් අධ්‍යාපනය හැදෑරූ පාසල වෙනුවෙන් යුතුකම් ඉටු කිරීමට තිබෙන අවස්ථාවක් ලෙසද ප්‍රකාශ කර සිටියේය. ශුද්ධ වූ පවුලේ කන්‍යාරාමය වැනි ආයතනවල අද්විතීය අවශ්‍යතා හඳුනාගනිමින් ඒ සඳහා ගැළපෙන බැංකු විසඳුම් අඛණ්ඩව පිරිනැමීමට බලාපොරොත්තු වන බව ඔහුද තවදුරටත් සඳහන් කළේය.
