පැල්වත්ත කිරි කර්මාන්තායතනය, සිය පරිපූර්ණ ආරක්ෂක උපායමාර්ගයේ කොටසක් ලෙසින්, සේවක සෞඛ්‍යය සහ ආරක්ෂාව (OH&S) සඳහා වූ ගෝලීය ප්‍රමිති සහතිකය වන 150 45001 හිමිකරගෙන සිටියි. මෙම සහතිකය, සේවා පරිසරයේ වන අවදානම් අවම කිරීම මෙන්ම වඩාත් උසස් ආරක්ෂිත සේවා තත්ත්වයන් නිර්මාණය කිරීම පිණිස වන රාමුවක් ස්ථාපනය කරන්නකි. FSSC හෙවත් ‘ආහාර සුරක්ෂිතතා පද්ධති සහතිකය ‘ යනු පැල්වත්ත කිරි කර්මාන්තායතනය අනුගතව සිටින තවත් සුවිශේෂී රාමුවක් වන අතර එමඟින් සිය නිෂ්පාදන සියල්ල ගෝලීය ආහාර සුරක්ෂිතතා ප්‍රමිතීන්ට අනුකූලව සිදුවන බව සහතික කරයි. ” ආරක්ෂාව යනු සියල්ලන්ගේ වගකීම බව පැල්වත්ත ආයතනය තුළ අපගේ විශ්වාසයයි. නායකත්වය දිරිගැන්වීම, සේවක සහභාගීත්වය නැංවීම සහ නිරන්තර වැඩි දියුණු කිරීම් ඔස්සේ අපගේ මෙහෙයුම් හර පද්ධතිය තුළට ආරක්ෂාව අන්තර්ගත කිරීම අපගේ අරමුණයි… ” යනුවෙන් පැල්වත්ත කිරි සමාගමේ කළමනාකාර අධ්‍යක්ෂ අක්මාල් වික්‍රමනායක මහතා පැවසීය.
