SDB බැංකුවට වසර 27යි

SDB බැංකුව සිය 27 වැනි සංවත්සරය සමරන ලද්දේ සිය ආයතනයේ වෘත්තිකයන්ගේ සහ රට පුරා විසිරී සිටින විවිධ ප්‍රජාවන්ගේ අභිවෘද්ධිය උදා කරමිනි. 1997දී SDB බැංකුවේ ආරම්භක අවස්ථාවේ පැවැති ආයතනික වටිනාකම් සහ මෙහෙවර ඒ ආකාරයෙන්ම පවත්වා ගනිමින් සමාජ වගකීම, තිරසාරත්වය සහ සේවක සුබසිද්ධිය වෙනුවෙන් දක්වන අපරිමිත කැපවීම එලෙසම පවත්වාගෙන යයි. 27 වැනි සැමරුම් උලෙළට සමගාමීව වසර 25කට වැඩි කාලයක් SDB බැංකුවේ අඛණ්ඩ සේවයේ නියුතු වෘත්තිකයන්ට උපහාර පිදිණි. එහිදී ඔවුන්ට සමරු රන් කාසිය බැගින් තිළිණ කරන ලදි. මීට අමතරව ආයතන කළමනාකාරිත්වය සහ සුබසාධක සංගමය එක්ව කිරුළපන, කුමාර උදයන් දෙමළ පාසලේ ප්‍රතිසංස්කරණය ව්‍යාපෘතියක් සහ මහරගම අපේක්‍ෂා රෝහලේදී ලේ දන් දීමේ වැඩසටහනක් ක්‍රියාත්මක කෙරිණි.