වඩාත් ජනප්‍රිය බැංකු වෙබ් අඩවියට හිමි සම්මානය BOCට

ලංකා බැංකුව ‘BestWeb.LK සම්මාන 2024’ සම්මාන උලෙළේ දී ‘වඩාත් ජනප්‍රිය බැංකු වෙබ් අඩවිය’ට හිමි සම්මානය සහ ‘හොඳම බැංකු වෙබ් අඩවිය’ට හිමි ලෝකඩ (Bronze) සම්මානය දිනා ගැනීමට සමත් විය. BestWeb.LK සම්මාන උලෙළේ දී ලංකා බැංකුව මෙලෙස සම්මානයට පාත්‍ර වූ අතර, ලංකා බැංකුවේ ප්‍රධාන අලෙවි නිලධාරී සමීර ලියනගේ මහතා ප්‍රධාන අලෙවිකරණ, තොරතුරු තාක්ෂණ, නිමැවුම් සංවර්ධන සහ BPRP කණ්ඩායම නියෝජනය කළ නිලධාරී කණ්ඩායම අදාළ සම්මාන ලබා ගත්තේය.ෙ මේ පිළිබඳ සමීර ලියනගේ මහතා ප්‍රකාශ කළේ, “ලංකා බැංකුවේ වෙබ් අඩවිය පරිශීලක හිතකාමී වගේම ඉතා පහසුවෙන් ප්‍රවේශ විය හැකි වෙබ් අඩවියක්. ඉදිරියේදීත් සීමා මායිම් පුළුල් කරමින්, නවතම තාක්ෂණය හරහා අන්තර්ජාලය ආශ්‍රිත අපගේ සේවා යාවත්කාලීන කිරීමට මෙම ඇගැයීම සුවිශේෂී අභිප්‍රේරණයක් ” යනුවෙනි.