ඒ.බී. මෞරි ලංකා නවීනතම අයිසිං සීනි ඇඹරුම් යන්ත්‍රය එළිදක්වයි

යීස්ට් සහ බේකරි අමුද්‍රව්‍ය සපයන ප්‍රමුඛ පෙළේ සැපයුම්කරුවකු වන ඒ බී මෞරි ලංකා සමාගම සිය අතිනවීන අයිසිං සීනි ඇඹරුම් යන්ත්‍රයේ කටයුතු නිල වශයෙන් ආරම්භ කිරීම නිවේදනය කරයි. නවීනතම යුරෝපීය තාක්ෂණයෙන් සමන්විත මෙම පහසුකම මඟින් සැලසුම් කර ඇත්තේ මෙහෙයුම් කාර්යක්ෂමතාව ඉහළ නැංවීම, නිෂ්පාදනවල ගුණාත්මකභාවය සහතික කිරීම සහ උසස් තත්ත්වයේ අයිසිං සීනි සඳහා වැඩිවන ඉල්ලුම සපුරාලීමට කටයුතු කිරීමයි. මෙම යන්ත්‍රය ATEX (EU) සහ EHS ප්‍රමිතීන්ට අනුකූල බව සහතික කරන නවීනතම යුරෝපීය තාක්ෂණයෙන් යුතුය. එය ඇඹරුම් ක්‍රියාවලිය පිළිබඳ නිශ්චිත පාලනයක් ලබා දෙන අතර එහි ප්‍රතිඵලයක් ලෙස උසස් නිෂ්පාදනයන් සිදු වේ. එසේම වැඩිදියුණු කළ ආරක්ෂාව, උෂ්ණත්වය පාලනය කරන පරිසරය, නිෂ්පාදන ධාරිතාව වැඩිකිරීම සෙසු ලක්ෂණ වේ. ශ්‍රී ලංකාවේ බ්‍රිතාන්‍ය මහකොමසාරිස් ඇන්ඩෘ පැට්‍රික් මැතිතුමා අතින් මෙම අයිසිං සීනි ඇඹරුම් යන්ත්‍රය නිල වශයෙන් විවෘත කෙරුණි.