ඔරලෝසුව කතා කරයි
මම ඔරලෝසුවක්
මගේ මූණේ කටු තුනක් තිබේ.
මිනිස්සුන්ට මාව නැතුවම බෑ.
මම නැවතුණොත් ලෝකෙම නවතිනවා.
ප්‍රභාෂිත සමරකෝන්
4 ශ්‍රේණිය, බ්‍රිටිස් ඉන්ටර්නැෂනල් පාසල
අපේ ගෙදර
ඉර හිනැහෙයි හිමිදරියේ
මල්පිපිලා ලස්සනයි
පාට පාට කුරුල්ලෝ
සින්දු කියා පියාඹයි…
අවදි වෙලා අම්මා උදෙන්
අපිට කන්න කෑම පිසියි
තාත්තා කන්තෝරු යන්න
දඩි බිඩි ගා ලැස්ති වෙයි…
ජේ. ඒ සනුලි
3 ශ්‍රේණීය,
ලුම්බිණි විදුහල, කොළඹ 05.
මම ගිය ගමනක්
එදා අප ගමන පිටත් වුණේ කොටුව දුම්රිය ස්ථායෙනි. අපි ගියේ මහනුවර දළදා මාලිගාව වදින්නයි. අම්මයි, තාත්තයි, නංගියි මමයි ගමනට සහභාගි වුණා. දුම්රියේ ගමන හරිම සුන්දරයි. ඒ මම දුම්රියක ගමන්ගත් පළමු අවස්ථාවයි. අදටත් මට ඒ ගමන මැවී පෙනෙනවා.
සනූජ් ලෝමිත
6 වසර බී, ජනාධිපති විද්‍යාලය – මහර.
මා සිත් ගත් පොත
මාර්ටින් වික්‍රමසිංහ සූරීන් විසින් රචනා කර ඇති ‘මඩොල් දූව’ මා කැමති ම පොත වේ. එහි එන උපාලි, ජින්නා වැනි චරිතවලට මම බොහෝ සෙයින් කැමැත්තෙමි. එය ඉංග්‍රීසි, දෙමළ, රුසියන්, චීන වැනි භාෂා රැසකට පරිවර්තනය කර ඇත. ළමා කතාවක් වුවත් ඕනෑම කෙනකුට කියවා රසවිඳිය හැකි ලෙස මෙම පොත රචනා කර ඇත. විනෝදය, විස්මය මුසු වූ සිදුවීම් නිසා මෙම නවකතාව මාගේ ප්‍රියතම හොඳම පොත බවට පත්ව ඇත.
අයි. පී. සංසා ශේෂාදි
පතිරණ,
5 ශ්‍රේණිය සී.
දංකොටුව බාලිකා මහ විදුහල.
වැස්ස
කීචි බීචි නාදෙ මගෙ කනට ඇසෙන්නේ
මහ සුළඟින් ගස් වැල් දැන් නැටුම් නටන්නේ
අහසත් බොඳ වීමෙන් මහ අකුණු ගහන්නේ
සෝ සෝ ගා මහ වැස්සක් හෙමිහිට එන්නේ
ගිහාන් මධුෂාන් ගුණතිලක
ශාස්ත්‍රාරවින්ද විද්‍යායතන පිරිවන
පොල්ගොල්ල්.
