1.4K
තුර්කියේ අන්කාරා නුවර බිල්කන්ට් විශ්වවිද්‍යාලයේදී පසුගියදා පවත්වන ලද ජාත්‍යන්තර දිනයේදී එරට පිහිටි ශ්‍රී ලංකා තානාපති කාර්යාලය විසින් මෙරට සංචාරක ව්‍යාපාරය නංවාලීමේ අදහසින් සංචාරක කුටියක් පවත්වන ලදී. මෙම උත්සවය සඳහා විද්වතුන් සහ සිසුන් 1,000කට අධික සංඛ්‍යාවක් ඇතුළුව විවිධ ප්‍රේක්ෂක පිරිසක් සහභාගි වූහ.
ශ්‍රී ලංකාවේ ප්‍රදර්ශන කුටිය, මෙරට විවිධ සාම්ප්‍රදායික සහ සංස්කෘතික ශ්‍රී ලාංකේය අයිතමයන්ගෙන් සමන්විත විය. ශ්‍රී ලංකා තානාපති කාර්යාලයේ ප්‍රදර්ශන කුටියෙන් පිරිනමන පිරිසිදු ලංකා තේ, කොත්තු රොටි සහ කොකිස් සඳහා ඉහළ ඉල්ලුමක් තිබිණි . ශ්‍රී ලාංකේය සාම්ප්‍රදායික ඇඳුමින් සැරසීමට ඇති අවස්ථාවද බොහෝ දෙනා ප්‍රදර්ශන කුටිය වෙත ඇදී ඒමට හේතු විය.
මෙම උත්සවයට තවත් රටවල් 15ක සහභාගිත්වය ලැබී තිබිණි.
