මේෂ – සුබ සතියකි
සඳු ගමන් ගන්නේ 5, 6, 7, 8 යන භාවයන් හරහාය. දරුවන්ගේ යහපත් අරමුණුවලට සුබදායි පරිසරයක් නිර්මාණය වේ. සතුරු බලවේග අවම විය හැකි අතර රැකියා ව්‍යාපාරවලින් ලාභ ප්‍රයෝජන ගත හැකි සතියකි. සාමාජීය පොදු වැඩ පුණ්‍ය කටයුතුවලට දායකත්වයක් ගෙන දෙයි. අසනීප අපල පවතින බැවින් කල්පනාකාරීව කටයුතු කරන්න. අපල අවම වීමට බෝමළුව පිරිසිදු කරන්න.
සුබ අංකයන් 5, 7/ සුබ වර්ණ – රතු, නිල් / සුබ දවස් – ඉරිදා, අඟහරුවාදා.
වෘෂභ – ව්‍යාපාර ලාභ
සඳු ගමන් කරන්නේ 4, 5, 6, 7 යන භාවයන් හරහාය. ගෙදරදොර කටයුතු ඉතා හොඳින් කරගෙන යාමට ශක්තිය ධෛර්ය උපදී. මව්ගේ සහයෝගය ලැබෙන සතුරු කරදර අවම වන සතියකි. ව්‍යාපාර අංශවල දියුණුවක් ලබාගත හැකි බැවින් ඒ පිළිබඳව උනන්දුවන්න. අපල අවම වීමට සමාජ සේවා කටයුතුවල නියැළෙන්න.
සුබ අංක -06 / සුබ වර්ණය – ළා කොළ / සුබ දවස් – බදාදා, සිකුරාදා.
මිථුන – දූ දරු සබඳතා
සඳු ගමන් ගන්නේ 3, 4, 5, 6 යන භාවයන් හරහාය. තම සහජ දක්ෂතා තුළින් ඉපයීම් කළ හැකි වික්‍රමය ගෙන එන සතියකි. මාපිය සොයුරු, දූ දරු සබඳතා එක්තැන් කරවන දරුවන්ගේ යහපත් බලාපොරොත්තු ඉටුවන සුබවාදී තත්ත්වයක් පෙන්නුම් කරයි. ධෛර්යයෙන් යුතුව ජීවිතයට මුහුණ දෙන්න. අපල අවම වීමට ඉවසීම ප්‍රගුණ කරන්න.
සුබ අංක – 3, 5 / සුබ වර්ණය – ළා කොළ / සුබ දවස – සිකුරාදා
කටක – ධන ලාභ
සඳු ගමන් කරන්නේ 2, 3, 4, 5 යන භාවයන් හරහාය. අතමිට මිල මුදල් ගැවසෙන ස්වයං රැකියාවලින් ලාභ ප්‍රයෝජන ගත හැකි මෙන්ම සහෝදර උපකාරද හිමිවන සතියකි. දරුවන්ගේ සියලු යහපත් බලාපොරොත්තු ඉටුවන සුබ ලකුණු ඇත. අපල අවම වීමට පත්තිනි මෑණියන්ට පින් දෙන්න.
සුබ අංකයන් – 7, 9 / සුබ වර්ණ – සුදු, කහ / සුබ දවස් – සඳුදා, අඟහරුවාදා.
සිංහ – සහජ හැකියා වර්ධනය වේ
සඳු ගමන් ගන්නේ ලග්නය 2, 3, 4 යන භාවයන් මතිනි. පරිත්‍යාගශීලිත්වය මුල් කරගෙන ආරම්භවන සතිය ඔබට බොහෝ සුබපල ගෙන දෙයි. ඔබගේ සහජ දක්ෂතාවලින් පල ප්‍රයෝජන ගත හැකි පදිංචි ස්ථානීය දියුණුවක් මෙන්ම රැකියා කටයුතුවලද කැපී පෙනෙන වෙනසක් ගෙන දෙයි. මව්ගේ සහයෝගය හිමිකර දෙයි. අපල අවම කර ගැනීමට අසරණ අයට පිහිටක් වන්න.
සුබ අංක – 1, 4 / සුබ වර්ණ – රතු / සුබ දවස් – ඉරිදා, අඟහරුවාදා.
කන්‍යා – මිශ්‍රපල ගෙන දෙයි
සඳු ගමන් කරන්නේ 12 ලග්නය 2, 3 යන භාවයන් මතිනි. ආරම්භය කනගාටුදායක පුවතක් කන වැකීමට ඉඩ ඇත. ඉන් පසු කාලය අයහපත් නොවේ. පොදු සමාජ වැඩ මෙන්ම තමාගේ රැකියා ව්‍යාපාර කටයුතු සම්බන්ධව උනන්දුව ඇති කරයි. සහෝදර උපකාර ලැබ දෙයි. සිත් රිදීම් කලකිරීම් ඇති වුවත් ඒවා තාවකාලික වේ. අපල අවම වීමට කොහොඹ පැළයකට වතුර දමා සත්කාර කරන්න.
සුබ අංක – 5, 7 / සුබ වර්ණය – කොළ / සුබ දවස් – බදාදා, සිකුරාදා.
තුලා – ලැබීම් සහිතයි
සඳු ගමන් ගන්නේ 11, 12, 01, 02 යන භාවයන් මතිනි. සඳු අයස්ථානයේ මුල් දිනයේ හැසිරෙන බැවින් යම්කිසි ලාභ ප්‍රයෝජන ලැබීමට පුළුවන. කල කිරීමෙන් කිසියම් පුද්ගලයකු ගැන හෝ යම් ක්‍රියාවක් සම්බන්ධව ඇති විය හැකියි. එහෙත් ඉවසීමෙන් යුතුව ඔබගේ වැඩ කරගෙන යන්න. ජයග්‍රහණය අත්වේ. වචනයේ බලයෙන් එනම් ප්‍රියමනාප කථාවෙන් ඔබට හිතවතුන් උපකාර කරයි.
අපල අවම වීමට භාවනාවක යෙදෙන්න.
සුබ අංකය – 06 / සුබ වර්ණය – සුදු, ළා කහ / සුබ දවස් – සිකුරාදා, සෙනසුරාදා
වෘශ්චික – රැකියා ලාභ
සඳු ගමන් කරන්නේ 10, 11, 12 ලග්නය යන භාවයන් ඔබ දැනට කරගෙන යන රැකියා ව්‍යාපාරවලින් සැලකිය යුතු ආදායමක් ලබන්නට හැකි සතියකි. ඒ අතර පාඩුද සිදු විය හැකියි. නමුත් ඒවා ගණනකට නොගෙන ඉවසීමෙන් කටයුතු කරන්න. සාමාජීය බැඳීම් ඇතිවේ. නව මිතුරන් මුණ ගැසේ. දරුවන්ගේ අධ්‍යාපන කටයුතු සාර්ථකවේ. අපල අවම වීමට දුර්වල අයට උපකාර කරන්න.
සුබ අංක – 4, 5 / සුබ වර්ණ – රතු / සුබ දවස් – ඉරිදා, අඟහරුවාදා.
ධනු – පුණ්‍ය සිතුවිලි සහිතයි
සඳු ගමන් ගන්නේ 9, 10, 11, 12 යන භාවයන් මතිනි. පුණ්‍ය කටයුත්තකට සහභාගි වීමෙන් ආරම්භවන සතිය ඔබට යහපත ගෙන දෙයි. ආර්ථිකය ශක්තිමත් වන දරුවන්ගේ අධ්‍යාපනික තත්ත්වයට උසස් දැනුමක් ගෙන දෙන සතියකි. පාඩුවක් සිත් රිදීමක් ඇති විය හැකි නමුදු එය ඉවසීමෙන් විද දරා ගන්න. රැකියාව දේව කාරිය මෙන් අවංකව කරන්න. අපල අවම වීමට ධර්මය අසන්න.
සුබ අංකය – 05 / සුබ වර්ණය – කහ, සුදු / සුබ දවස් – ඉරිදා, බදාදා.
මකර – මිශ්‍රපල ගෙන දෙයි
සඳු ගමන් ගන්නේ 8, 9, 10, 11 යන භාවයන් හරහාය. ආරම්භය කනගාටුදායක පුවතක් කන වැකෙන්නට පුළුවන. ඉන්පසු කාලය අයහපත් නොවේ. රැකියා ව්‍යාපාර කටයුතු උනන්දුවෙන් කරගෙන යාමට හැකි අතර වැඩිදුර ඇවිදිලි වැඩ යෙදේ. ලැබීම් සහිතයි. පුණ්‍ය කටයුතුවලට දායකත්වය සලසා දෙයි. අපල අවම වීමට කරුණාව මෛත්‍රිය පතුරුවන්න.
සුබ අංක – 8, 9 / සුබ වර්ණය – නිල් / සුබ දවස – සිකුරාදා.
කුම්භ – දෙලොව දියුණුවට කටයුතු කරයි
සඳු ගමන් ගන්නේ 7, 8, 9, 10 යන භාවයන් මතිනි. ඔබගේ ව්‍යාපාර අංශවල නව වෙනස්කමක් ඇති කිරීමට සිතයි. නව හිතවතුන් මිත්‍රයන් හමුවේ. ඇවිදිලි වැඩි අතර අවිවේකයද බලපවත්වයි. පුණ්‍ය කටයුතුවලට නිරතුරුව සහභාගිත්වය ඇති කරයි. දෙලොව දියුණුව උදෙසා සලසා ගනී. අපල අවම වීමට රෝගීන්ට උපකාර කරන්න.
සුබ අංක – 8, 9 / සුබ වර්ණය – නිල්/ සුබ දවස – සිකුරාදා.
මීන – දරුවන්ගේ අධ්‍යාපනික දියුණුව
සඳු ගමන් ගන්නේ 6, 7, 8, 9 යන භාවයන් මතිනි. සතුරන් පවා මිතුරුවන බවත් ඇඟවෙයි. රැකියා ව්‍යාපාර දියුණුව ගෙන දෙයි. පරාර්ථකාමී බව ඉවසීම වැනි ගුණධර්ම ඔබ තුළ වර්ධනය වේ. දරුවන්ගේ අධ්‍යාපනික කටයුතුවල ප්‍රගතිය ඇති කරයි. අපල අසනීප සුළු අනතුරු ඇත. කල්පනාවෙන් කටයුතු කරන්න. අපල අවම වීමට බෝධීන් වහන්සේට පැන් කළ 7ක් දමන්න.
සුබ අංක – 3, 9 / සුබ වර්ණ – කහ, සුදු / සුබ දවස් – බ්‍රහස්පතින්දා, අඟහරුවාදා
