සාමකාමී බව ජාත්‍යන්තරයේ ඇගයීමට ලක් වුණා

ජාතික ජන බලවේගය ආරම්භ කළ සාමකාමී මැතිවරණ ක්‍රියාදාමය ලෝකයේම ඇගයීමට ලක්ව ඇතැයි ජාතික ජන බලවේගයේ කුරුණෑගල දිස්ත්‍රික් කණ්ඩායම් නායක නාමල් කරුණාරත්න පවසයි.

දකුණු ආසියාව තුළ සාමකාමී ජනාධිපතිවරණයක් පැවැත්වූ රටක් ලෙස ශ්‍රී ලංකාව හැඳින්වීමට අන්තර්ජාතිකප්‍රජාව කටයුතු කළ බව පෙන්වා දුන් ඒ මහතා වැඩිදුරටත් පැවසුවේ මහමැතිවරණයට නාමයෝජනා භාර දුන් දින කිසිදු ආකාරයක සිද්ධියක් වාර්තා නොවූ බවයි.

ජනතාවගේ ඉහළම ප්‍රසාදයක් ජාතික ජන බලවේගයට හිමිව ඇති බව පෙන්වා දුන් ඔහු කීවේ ජනාධිපතිවරණයේදී තම පක්ෂයට මනාපය ලබා නොදුන් පිරිස් මේ වන විට තම පක්ෂය වටා එක්රොක්ව ඇති බවයි.

එසේම ජාතික ජන බලවේගය ඉතාම සාමකාමී ලෙස මෙවර මැතිවරණයටද මුහුණ දීමට කටයුතු කර ඇතැයි ද හෙතෙම පෙන්වා දුන්නේය.