ට්‍රයිඩන්ට් කෝපරේෂන් ශ්‍රී ලංකාවේ vivo බෙදාහරින්නා වේ

ට්‍රයිඩන්ට් කෝපරේෂන් සමාගම, vivo ස්මාර්ට් ෆෝන් සඳහා නිල ජාතික බෙදා හරින්නා ලෙස නම් කර තිබේ. Vivoහි නව්‍ය තාක්ෂණය ට්‍රයිඩන්ට්හි පුළුල් දේශීය වෙළෙඳපොළ සමඟ ඒකාබද්ධ කරමින් ජංගම දුරකතන ක්ෂේත්‍රය නැවත අර්ථ දැක්වීමට මෙම උපායමාර්ගික හවුල්කාරීත්වයට එළැඹ තිබේ. ට්‍රයිඩන්ට් කෝපරේෂන්හි දේශීය කළමනාකාර හිල්මි නියාස් පැවසූයේ, ශ්‍රී ලාංකිකයන් වෙත ඉහළ පෙළේ නිෂ්පාදන ලබා දීම සම්බන්ධයෙන් තබා ඇති වාර්තාව, අති නවීන ජංගම තාක්ෂණ පිරිනැමීමේ vivoහි මෙහෙවර සමඟ බාධාවකින් තොරව සමපාත වන බවයි.

vivo Sri Lanka ප්‍රධාන විධායක නිලධාරී කෙවින් ජිඇන්, හවුල්කාරිත්වය පිළිබඳ පැවසූයේ, “අපි මිල මත තරග නොකරමු. අප වැඩි අවධානයක් දෙන්නේ අපගේ හවුල්කරුවන් සහ අවසාන පරිශීලකයින් යන දෙදෙනාම සමඟ අර්ථවත් සබඳතා ඇතිකර ගනිමින් නව්‍ය නිෂ්පාදන ලබා දීමටයි… ” යනුවෙනි.