373
ලේස් නිර්මාණ හා තිරසර රෙදිපිළි නිෂ්පාදනයේ ප්‍රමුඛ නොයොන් ලංකා පුද්ගලික සමාගම ශ්‍රී ලංකාව තුළ 20 වැනි සංවත්සරය පසුගියදා සමරනු ලැබීය. බෙදාහැරීමේ විසඳුම් ලබා දීම වෙනුවෙන් නිර්මාණය කර ඇති නොයොන්, 100 Years of Lace Heritage, 20 Years of Design and Craftsmanship තේමාවෙන් මෙම සුවිශේෂී සන්ධිස්ථානය සමරනු ලැබීය.
මෙම අවස්ථාවට MAS Holdingsහි සභාපති මහේෂ් අමලියන්, උප සභාපති ශෙරාඩ් අමලියන් සහ MAS Holdings හා ෆ්‍රෙන්ච් ලේස්හි සහයෝගී ප්‍රයත්නනය වෙනුවෙන් වූ Noyon Calais හි හිටපු සභාපති ඔලිවියර් නොයොන් යන මහත්වරු එක්ව සිටියේය. ශ්‍රී ලංකාවේ හා මාලදිවයිනේ ප්‍රංශ තානාපති කාර්යාලයේ වැඩබලන තානාපතිනි මේරි නොයෙල් මහත්මිය ඇතුළු ආරාධිතයින් රැසක් ඊට එක්ව සිටියහ.
