සාර්ක් සංස්කෘතික මධ්‍යස්ථාන 14 වැනි පාලක මණ්ඩල හමුව

ශ්‍රී ලංකා සාර්ක් සංස්කෘතික මධ්‍යස්ථානයයේ දහහතරවන පාලක මණ්ඩල රැස්වීම පසුගියදා කොළඹ, සිනමන් ග්‍රෑන්ඩ් හෝටලයේදී පවත්වන ලදී. බංගලාදේශ මහජන සමූහාණ්ඩුවේ සංස්කෘතික කටයුතු අමාත්‍යාංශයේ සම ලේකම් මිෂානුප් රහ්මාන් මහතාගේ ප්‍රධානත්වයෙන් රැස්වීම කැඳවා තිබුණි. පාලක මණ්ඩල රැස්වීමේදී සාමාජික රටවල් නියෝජනය කළ සම්භාවනීය සාමාජිකයින් වූයේ, Nagtsho Dorji , සංස්කෘතික සහ Dzongkha සංවර්ධන දෙපාර්තමේන්තුවේ අධ්‍යක්ෂ, ස්වදේශ කටයුතු අමාත්‍යාංශය, භූතානයේ රාජකීය රජය; ඉන්දියානු ජනරජයේ සංස්කෘතික අමාත්‍යාංශයේ ජාත්‍යන්තර සංස්කෘතික සබඳතා අධ්‍යක්ෂ යෂ් වීර් සිං ; Mohamed Shahuruzziyad , මාලදිවයින් ජනරජයේ Divehi භාෂාව, සංස්කෘතිය සහ උරුමයන් පිළිබඳ රාජ්‍ය අමාත්‍ය; නේපාල ෆෙඩරල් ප්‍රජාතන්ත්‍රවාදී ජනරජයේ සංස්කෘතික, සංචාරක සහ සිවිල් ගුවන් සේවා අමාත්‍යාංශයේ සම ලේකම් ආචාර්ය සුරේෂ් සුරස් ශ්‍රෙස්තා; පකිස්ථාන ඉස්ලාමීය ජනරජයේ ජාතික උරුම සහ සංස්කෘතික අංශයේ ලේකම් හසන් නසීර් ජේමිය. බුද්ධශාසන, ආගමික හා සංස්කෘතික කටයුතු අමාත්‍යාංශයේ ලේකම් රංජිත් ආරියරත්න ශ්‍රී ලංකාව නියෝජනය කරමින් සහභාගි විය.