කලාසූරී අරීසෙන් අහුබුදු 13 වන සමරු උලෙළ

ශ්‍රේෂ්ඨ කවියකු, ගීත රචකයකු, ජාති හිතෛෂී විද්වතකු වූ දිවංගත කලාසූරී අරීසෙන් අහුබුදු සූරීන්ගේ 13 වන සමරු උලෙළ 2024 නොවැම්බර් 21 වන දා පස්වරු 3.00ට කොළඹ 07 ශ්‍රී ලංකා පදනම් ආයතනයේ දී පැවැත්වේ. අරීසෙන් අහුබුදු පදනම සංවිධානය කරන මේ සමරු උලෙළේ විශේෂ දේශනය පවත්වන්නේ හෘදය රෝග විශේෂඥ වෛද්‍ය රුවන් ඒකනායක මහතා යි. අරීසෙන් අහුබුදු පදනම අධ්‍යාපන අමාත්‍යාංශය සමඟ එක්ව බස්නාහිර පළාතේ පාසල් සිසුන් සඳහා පැවැත්වූ පද්‍ය රචනා තරගයේ තිළිණ හා සහතික පිරිනැමීම ද මෙදින සිදු කරනු ලැබේ. අරීසෙන් අහුබුදුවන් විසින් රචිත ‘ළංකා ගම් නම් වහර’ ග්‍රන්ථයේ නව මුද්‍රණය ද මේ අවස්ථාවේ දී එළි දැක්වීමට නියමිත ය.