1.5K
තරුණ ක්‍රිකට් ක්‍රීඩකයින්ගේ දක්ෂතා ගවේෂණය කරගැනීමේ අරමුණ යටතේ ශ්‍රී ලංකා ක්‍රිකට් ආයතනය සංවිධානය කරන වයස අවු. 15න් පහළ ශ්‍රී ලංකා යූත් ලීග් (SLYL) 2024 තරගාවලිය සඳහා අනුග්‍රාහකත්වය දැක්වීමට ප්‍රීමා ශ්‍රී ලංකා සමූහය, ශ්‍රී ලංකා ක්‍රිකට් ආයතනය සමඟ යළිත් වතාවක් අත්වැල් බැඳ ගත්තේය. කොළඹ වෙළෙඳ සේවා ක්‍රිකට් සංගමයේ පැවති මාධ්‍ය හමුවකදී දෙපාර්ශ්වය අතර වූ ගිවිසුම පිළිබඳ නිවේදනය කළේය. 2007 වසරේ සිට ශ්‍රී ලංකා ප්‍රීමා සමූහය, ප්‍රීමා කුසලාන අවු. 15න් පහළ ශ්‍රී ලංකා යූත් ලීග් හෙවත් “U15 SLYL- 2024” තරගාවලියේ සාඩම්බර නිල සබඳකරු ලෙසින් කටයුතු කරන අතර, මේ හරහා දහස් ගණනක් තරුණ ක්‍රිකට් ක්‍රීඩකයින්ට සිය දිස්ත්‍රික්ක සහ පළාත් නියෝජනය කිරීමේ මහඟු අවස්ථාව උදා වී ඇත.
