මගෙ පොඩි නාලා
දුඹුරු පාට තිත් තිත් තිත්
කළු පාටට ඉරි ඉරි ඉරි
සුරතල් මගෙ පුංචි කිටී
මගෙ පොඩි නාලා..
කැරපොත්තෙක් බලන්නේ නෑ
ලේනෙක් නම් ගසට නගී
මාළු කන්න හරි ආසයි
මගෙ පොඩි නාලා..
බ්ලැකී එක්ක හරි යාළුයි
මාත් එක්ක හරි සුරතල්
අට්ටුට නම් අක්ක වගෙයි
මගෙ පොඩි නාලා…
ඤාව් ඤාව් කොයි වේලෙත්
පුරු පුරු පුරු ආදරේට
අපේ ගෙදර සුරතල් කිටි
මගෙ පොඩි නාලා…
අහල්‍යා වික්‍රමසිංහ
3 ශ්‍රේණිය,
කාන්තා විදුහල,
කොළඹ 07.
මහ වැස්සක්
අහස කළුවෙලා වැහිළිහිණියෝ පියෑඹුවා
ගෙරවුම් හඬ අහස පුරා පැතිරිලා ගියා
පුංචි ළමයි බය වී ගෙදරට දිව්වා
ඉක්මනින්ම මහ වැස්සක් පොළොවට වැටුණා
සැඩ සුළඟට ගස් ඇඹරී ඉදිරි වැටුණා
දුවලා ගිහින් අපි ඔක්කොම ඇඳට ගුළිවුණා
ඩෝං පටෝං යන සද්දෙන් හෙණ හඩ නැඟුණා
ගෙඹි නයිදෙලා වත්තපුරා බක බක ගෑවා
එච්. ඒ සේජිති සෙමින්ද්‍යා
3 ශ්‍රේණිය ‘සී‘
මාම්පේ කනිෂ්ඨ විද්‍යාලය,
පිළියන්දල.
මට අමතක නොවන සිදුවීමක්
එදා බ්‍රහස්පතින්දා දිනයකි. මා අලුයම 3.00ට පමණ අවදි වී සූදානම් වූයේ අපගේ ඥාතීන් විසින් සංවිධාන කරන වන්දනා ගමන යෑමටයි. නෑදෑයන් සියල්ල එක්තැනකට වෙලා බලා සිටියේ බස් රථය පැමිණෙන තුරුය. බස් රථය පැමිණි පසු අපි සැවොම බස් රථය ගොඩවුණෙමු.
පැය 2කින් පමණ රියැදුරු මහතා බස් රථය දක්ෂිණ අධිවේගී මාර්ගයට දැමුවේය. පැය 2ක පමණ ගමන් කාලයකින් පසු සෙවණ නුග ගසක් යට බස් රථය නැවැත්වූයේ උදේ ආහාරය ගැනීමටයි. උදේ ආහාරය ලබාගත් විගසම අපි බස් රථයට ගොඩ වුණෙමු.
පැය හතරක පමණ දිග ගමන් කාලයකින් පසු දඹුලු විහාරයට පිය නැඟුවෙමු. දඹුලු විහාරයේ විස්මිත නිර්මාණ දැක සිත් පහදාගත් අපගේ ඊළඟ අරමුණ වූයේ සීගිරිය හා අටමස්ථානය වෙත යෑමටයි. අපි සීගිරියට ලඟා වුණෙමු. සීගිරි පර්වතය ඉතා ඉක්මනින් නැඟ කැටපත් පවුර වැනි නිර්මාණ බලා සතුටු වූ අපි ඉන්පසු අනුරාධපුරය බලා පිටත් වුණෙමු.
ඉතා දිග ගමන් කාලයකින් පසු අප අනුරාධපුරයට ලඟා වුණෙමු. සියලු බෞද්ධ ස්ථාන වැඳ පුදාගත් අතර අවසානයේ ජය ශ්‍රී මහා බෝ සෙවණේ පැයක් පමණ ගත කළෙමු.
ඉන්පසු අපි නිවෙස් බලා පිටත්වීමට බස් රථයට ගොඩ වුණෙමු. අතරමඟ කඩයකින් කළු දොදොල් ද රැගෙන අලුයම 3.00 පමණ වන විට නිවෙසට ළඟා වුණෙමු.
මෙතුක වන්දිල් 7 ශ්‍රේණිය,
‘ඒ’, විද්‍යාලෝක විද්‍යාලය, ගාල්ල.
මා දුටු පෙරහැර
මා දුටු පෙරහැරේ කසකරුවෝ ”
පෙරහැර එනවා” යැයි හැඟවූවෝ ය.
ගිනි බෝලකරුවෝ
මුළු ගමම අලෝකමත් කළෝය.
නැට්ටුවෝ ලස්සනට
තාල කවි කියමින් නැටුවෝය.
බෙරකරුවෝ පෙරහැරේ නිහඬතාවය බින්දෝය.
විචිත්‍රවත් ලෙස සැරසුණු
හස්තියෝ බෙර හඬට පා තැබූහ.
ඒ. නෙතුමි දෙහන්සා 4 ශ්‍රේණිය,
අලුත්ගම ප්‍රාථමික විදුහල, බණ්ඩාරගම.
මම මී මැස්සෙක්මි
මම සතුන් අතර ඉතා කුඩා
සතෙක් වෙමි.
දවස පුරා මල් අතර සැරිසරණ මම
මිල කළ නොහැකි පැණි නිපදවමි.
කඩිසරව වැඩ කරමින්
මී වදය පුරවන
මම කුඩා මී මැස්සෙක්මි.
ඩී. අනුජ හිරණ්‍ය
4 ශ්‍රේණිය ‘බී‘
මහාචාර්ය සේනක බිබිලේ ආදර්ශ විද්‍යාලය,
බිබිල.
මගේ අම්මා
මගේ අම්මාගේ නම තරිදි උමන්ගා.
මගේ අම්මාගේ වයස අවුරුදු තිස් හතයි.
අම්මා මට රස කෑම සාදා දෙනවා.
අම්මා මගේ පාසල් වැඩ කටයුතුවලට නිතරම උදවු වෙනවා.
අම්මා මට හැමවිටම හොඳ නරක කියා දෙනවා.
මගේ අම්මාට මම ගොඩක් ආදරෙයි
හෙසත් තෙදස්වින් වල්පිට
3 ශ්‍රේණිය ‘ඩී‘, අසෝක විද්‍යාලය,
කොළඹ 10.
ගොවියා
ගොවියා රටට ඉතාම වැදගත් කෙනෙකි.
ගොවියා අපට බත සපයයි.
ගොවියා ඉතා මහන්සි වී වැඩ කරයි.
මඩ සෝදා ගත් කළ ගොවියා රජකමට ද සුදුසුයි.
ගොවියා රැක ගැනීම අප හැමගේ යුතුකමකි.
ලොහස් සෙනෝද්
2 ‘ඒ‘ ශ්‍රේණිය
ශාන්ත මරියා ජාතක පාසල,
වේයන්ගොඩ.
