අන්කාරා ට්‍රැවල් ප්‍රදර්ශනයට ශ්‍රී ලංකාවත්

තුර්කියේ අන්කාරා නුවර පසුගිය 14 දා සිට 17 දා දක්වා පැවති Ankara Travel EXPO 2024 ප්‍රදර්ශනයට ශ්‍රී ලංකාවද එක් විය. එම උත්සවය ශ්‍රී ලංකාවේ පොහොසත් සංස්කෘතික උරුමය, විස්මිත ස්වාභාවික භූ දර්ශන සහ තුර්කි අමුත්තන්ට සහ ජාත්‍යන්තර ප්‍රේක්ෂකයන්ට විවිධ සංචාරක පිරිනැමීම් ප්‍රවර්ධනය කිරීම සඳහා වැදගත් වේදිකාවක් විය. Travel EXPO සඳහා රටවල් 30කින්, නගර 14කින් සහ 240කට අධික ප්‍රදර්ශකයින් සහභාගි වූහ.

ශ්‍රී ලංකාවේ ප්‍රදර්ශන කුටියේ දර්ශනීය භූ දර්ශන, ලෝක ප්‍රකට ලංකා තේ, ලංකා කුරුඳු සහ සාම්ප්‍රදායික අත්කම් උද්දීපනය කරන ප්‍රදර්ශන සමඟින් රටේ අද්විතීය චමත්කාරය පිළිබිඹු කළේය. ප්‍රදර්ශන කුටියේ ප්‍රධාන අංගයක් වූයේ ‘පිරිසිදු ලංකා තේ’ ප්‍රවර්ධනය කිරීම වන අතර, එහි සුවිශේෂී රසය අත්විඳීමට උනන්දුවක් දක්වන අමුත්තන්ගේ සැලකිය යුතු අවධානය යොමු විය.