326
රට පුරා ඉදි කර ඇති මගී ආවරණ නිසා ජනතාවට අව්වෙන් වැස්සෙන් නොතෙමී බසයක පැමිණෙන තුරු රැඳී සිටීමට මට හැකියාව ලැබී තිබේ. එය පොදු මගී ජනතාවට ඉමහත් අස්වැසිල්ලකි. මෙවන් වැසි කාලවල එය මගී ජනතාවට සහනයකි.
එහෙත් මෙම මගී ආවරණ පිරිසිදු කිරීමේ හා නඩත්තු කිරීමේ නිසි වැඩපිළිවෙළක් නොමැති වීම හේතුවෙන් මගී ජනතාව අපහසුතාවට ලක්ව තිබේ. එම නිසා මහ නගර, නගර සභා, ප්‍රාදේශීය සභා එකතු වී මෙම මගී ආවරණ නඩත්තු කිරීමේ හා පිරිසිදු කිරීමේ වැඩපිළිවෙළක් ආරම්භ කිරීමට කටයුතු කළ යුතුය.
මේ සඳහා මාර්ගස්ථ මගී ප්‍රවාහන අධිකාරියේ සහ පළාත් සභා පළාත් පාලන අමාත්‍යාංශයේ අවධානය නොපමාව යොමු කර, ඒ සඳහා වැඩ පිළිවෙළක් ආරම්භ කිරීමට කටයුතු කරන්නේ නම් එය පොදු මගී ජනතාවට මහත් සහනයක් වනු නොඅනුමානය.
වසන්ත ද සිල්වා – වැලිගම
