574
එළැඹෙන නත්තල් උත්සවය සහ නව වසර වෙනුවෙන් ගල්කිස්ස හෝටල් අංගණයේ ගස් ආලෝකකරණ කිරීමේ උත්සවය පසුගියදා පැවැත්විණි. හෝටලයේ මෙම වසරේ උත්සව සඳහා තෝරාගත් තේමා වර්ණ වන දීප්තිමත් රතු සහ දිලිසෙන රන් සැරසිලිවලින් දර්ශනීය ලෙස සරසා ඇති අඩි 55 ක දැවැන්ත නත්තල් ගසක් විවෘත කිරීමද මෙහිදී සිදු විය.
ගස් ආලෝකවත් කිරීමේ උත්සවයට අමතරව ගල්කිස්ස හෝටලය දෙසැම්බර් මාසය පුරා නත්තල වෙනුවෙන් ආකර්ෂණීය පෙළගැස්මක් සූදානම් කර ඇති අතර, අමුත්තන්ට උත්සව සමය විචිත්‍රවත් ලෙස සැමරීමට අවස්ථාව සලසා දී ඇතැයි ගල්කිස්ස හෝටලයේ ප්‍රධාන මෙහෙයුම් නිලධාරී අනුර දේවපුර සඳහන් කළේය.
