කනිෂ්ඨ ගොල්ෆ් තරගාවලි සඳහා “ප්‍රීමා සන්රයිස්” අනුග්‍රහය

ශ්‍රී ලංකා ගොල්ෆ් සංගමය සංවිධානය කරන ජාතික ගොල්ෆ් ක්‍රීඩා ඉසව් අතර කැපී පෙනෙන, 2024 ශ්‍රී ලංකා විවෘත කනිෂ්ඨ ගොල්ෆ් තරගාවලිය සහ 2025 ප්‍රාදේශීය විවෘත කනිෂ්ඨ ගොල්ෆ් තරගාවලියට ” ප්‍රීමා සන්රයිස් ” 16 වැනි වසරටත් අනුග්‍රාහකත්වය එක්කොට ඇත.

ශ්‍රී ලංකා විවෘත කනිෂ්ඨ ගොල්ෆ් තරගාවලිය 2024 දෙසැම්බර් මස 10 වැනිදා සිට 12 වැනිදා දක්වා උදෑසන 8.00 සිට කොළඹ රාජකීය ගොල්ෆ් සමාජයේ (RCGC) ගොල්ෆ් ක්‍රීඩා පිටියේදී පැවැත්වීමට නියමිතය. තරගාවලියට සහභාගි වන දෙස් විදෙස් ක්‍රීඩක ක්‍රීඩිකාවන් සඳහා පුහුණු තරග දෙසැම්බර් 09 වැනි දින පැවැත්වීමට කටයුතු කොට ඇත. ” ප්‍රීමා සන්රයිස් ” සන්නාමයේ පූර්ණ අනුග්‍රාහක දායකත්වය යටතේ පැවැත්වෙන ත්‍යාග ප්‍රදානෝත්සවය දෙසැම්බර් 12 වැනිදා ප.ව 3.00ට පැවැත්වීමට සැලසුම් කොට ඇත.

ජායාරූපය – රංජිත් අසංක