සෑම දරුවකුටම අධ්‍යාපනය සඳහා ප්‍රායෝගිකව ප්‍රවේශ විය හැකි ඩිජිටල් මුලපිරීමක් වන ‘Atlas World’ සඳහා Atlas Axillia Co. (Pvt) Ltd ආයතනය, පසුගියදා SLIM Digis හිදී ගෞරව සම්මානයට පාත්‍ර විය. ශ්‍රී ලංකාව පුරා සිටින දරුවන්ගේ මනසට ගුණාත්මක අධ්‍යාපනයක් ලබා දීම අරමුණු කරගත් මෙම මුලපිරීම සඳහා Atlas Axillia ආයතනය මෙහිදී විශිෂ්ට සම්මාන තුනක් හිමකර ගත්තේ ය.
අධ්‍යාපනික දැනුම වැඩිදියුණු කිරීමෙහිලා Atlas Axillia සන්නාමයේ කැපවීම අගය කරමින්, අධ්‍යාපනයේ හොඳම ඩිජිටල් අලෙවිකරණ ප්‍රයත්නය සඳහා රිදී සම්මානයකින්ද, ශ්‍රී ලංකාව පුරා සිටින දරුවන්ට අධ්‍යාපනයට අවශ්‍ය සම්පත් සැපයීමට දරන ලද මුලපිරීම වෙනුවෙන් Cross Media Integration කාණ්ඩය යටතේ ලෝකඩ සම්මානයකින්ද සහ ආයතනික සමාජ වගකීම (CSR) අරමුණු යටතේ ‘Atlas World සඳහා ඩිජිටල් අලෙවිකරණ කාණ්ඩයේ කුසලතාවයකින් පිදුම් ලැබීමට සමත් විය.
