DIMO හි වෘත්තීය පුහුණු අංශය වන DIMO Academy විසින් නිවාස අලුත්වැඩියාව, නඩත්තුව සහ රක්ෂණ සේවා සැපයීම පිළිබඳ ප්‍රමුඛතම සමාගමක් වන HomeServe Germany සමඟ හවුල්කාරිත්වයක් ඇති කර ගත්තේය.
මෙම සහයෝගීතාව යටතේ DIMO Academy ජර්මානු ප්‍රමීතින් මත පදනම් වූ ජර්මානු කර්මාන්ත හා වාණිජ මණ්ඩලය (AHK) විසින් සහතික කරන ලද ජාත්‍යන්තර පිළිගැනීමක් ඇති Plant Engineering ඩිප්ලෝමාව සාර්ථකව නිම කරන සිසුන්ට HomeServe ආයතනය ජර්මනියේ සිය රැකියා අවස්ථා පිරිනමයි.
HomeServe Germany හි ප්‍රධාන විධායක නිලධාරී තෝමස් රෙබල් පැවසූයේ, “කාර්මික ශිල්පීන් සඳහා ජර්මනියේ ගොඩනැඟිලි සේවා ක්ෂේත්‍රය තුළ විශාල ඉල්ලුමක් තිබෙනවා. ඒ සඳහා ඉහළ සුදුසුකම් සහිත කාර්මික ශිල්පීන් අවශ්‍යයි. DIMO Academy, ජර්මනියෙන් පිටත ජර්මානු වෘත්තීය නිර්ණායකවලට අනුකූලව ගොඩනැඟිලි සේවා අංශය සඳහා ‘A’ කාණ්ඩයේ පිළිගත් පුහුණු වැඩසටහනක් පිරිනමනවා…” යනුවෙනි.
