කොළඹ රුසියානු මන්දිරයට අනුබද්ධිත ‘රුසියානු සාහිත්ය කවය’ සංවිධානය කරනු ලබන 2024 ‘රුසියානු සාහිත්ය උලෙළ’ ලබන දෙසැම්බර් 17 වන දින පස්වරු 3.00 සිට කොළඹ රුසියානු මන්දිරයේ ශ්‍රවණාගාරයේ දී මුළුදෙයි.
මෙවර රුසියානු සාහිත්ය උලෙළ පැවැත්වෙනුයේ මෙම වසරට යෙදී ඇති රුසියානු මහා කිවියර ඇලෙක්සැන්ඩර් පුෂ්කින්ගේ 225 වන ජන්ම සංවත්සරයත්, ව්ලදිමීර් බොගොමොලොව් සහ යූරි බොන්දරෙව් යන ශ්‍රේෂ්ඨ සෝවියට් ලේඛකයන් දෙපළගේ ජන්ම ශත සංවත්සර අනුස්මරණයත් නිමිති කරගෙන ය. ‘ඉවාන්’ නමැති නිර්මාණය නිසා ව්ලදිමීර් බොගොමොලොව් ද ‘උණු හිම’ නවකතාව නිසා යූරි බොන්දරෙව් ද සිංහල පාඨකයන් අතර ඉමහත් ප්‍රසිද්ධියක් උසුලති.
මෙහිදී ප්‍රවීණ සාහිත්‍යවේදී ආචාර්ය සුනිල් විජේසිරිවර්ධන විසින් ‘සෝවියට් යුද සාහිත්‍යය සහ සිනමාව: දේශප්‍රේමය, මනුෂ්‍යත්වය, අධිෂ්ඨානය සහ ආදරය’ මැයෙන් ප්‍රධාන දේශනය පවත්වනු ලබන අතර ‘පුෂ්කින්: කලහකරුවකුගේ සහ ප්‍රේමවන්තයකුගේ භූමිකාවේ සිට නූතන රුසියානු භාෂාවේ සහ සාහිත්‍යයේ සමාරම්භකයා දක්වා’ මැයෙන් ආරාධිත දේශනය පවත්වනු ලබන්නේ රුසියානු සාහිත්ය පර්යේෂිකා ඉරීනා ඊවිනා විසිනි.
ගතවූ වසරක කාලය තුළ සිංහල, දෙමළ සහ ඉංග්‍රීසි භාෂාවනට ලංකාවේදී පරිවර්තනය කර එළිදක්වන ලද රුසියානු කෘති කෙටියෙන් හඳුන්වාදීමට ද අන්ද්‍රේයි තර්කොව්ස්කිගේ ‘ඉවාන්ගේ ළමා කාලය’ සහ ගව්රීල් එගියසාරොව්ගේ ‘උණු හිම’ සිනමා කෘතිවලින් තොරාගත් දර්ශන සිංහල උපසිරැසි සහිතව ප්‍රදර්ශනය කිරීමට ද සෝවියට් ලේඛක දෙනීස් ද්‍රාගුන්ස්කි පළමු වරට සිංහල පාඨකයාට හඳුන්වාදීමට ද මෙදින කටයුතු සංවිධානය කර තිබේ. තවද මීට සමගාමීව සෝවියට්-රුසියානු පරිවර්තන ග්‍රන්ථ මූලික කොටගත් පොත් ප්‍රදර්ශනයක් ද පැවැත්වේ.
අනුර බී. සෙනෙවිරත්න – මාධ්‍ය සම්බන්ධීකාරක, රුසියානු සාහිත්ය කවය.
