230
ශ්‍රී ලංකාවේ මිශ්‍ර නොවූ ලෝහ ප්‍රතිචක්‍රීයකරණයෙන් පසු උසස් තත්ත්වයේ නිෂ්පාදන බවට පත්කිරීමේ විශේෂඥතාව සහිත ඇග්‍රොමෙට් ඒෂියා (Agromet Asia) පුද්ගලික සමාගම, ජාතික අපනයන වාණිජ මණ්ඩලය සංවිධානය කළ 2024 වාර්ෂික අපනයන සම්මාන උලෙළේදී ගෞරව සම්මාන දෙකකින් පිදුම් ලැබීය.
එනම්, තිරසර නිෂ්පාදන භාවිතාවන් අනුගමනය කරමින් චක්‍රීය ආර්ථික ක්‍රියාවලියට ලබා දෙන දායකත්වය වෙනුවෙන් ප්‍රතිචක්‍රීයකරණ නිෂ්පාදන අංශයේ (දැවැන්ත පරිමාණ ආයතන කාණ්ඩයේ) රන් සම්මානය සහ අපනයන අංශය සඳහා සැපයුම් යන කාණ්ඩය යටතේ, දැවැන්ත පරිමාණ සමාගම් කාණ්ඩයේ ලෝකඩ සම්මානය යි. පාරිසරික වගකීම්සහගත බව සහ ආචාර ධාර්මික වෙළෙඳ භාවිතාවන් අගයමින් ජාතික අපනයන වාණිජ මණ්ඩලයේ ආචාර ධාර්මික වෙළෙඳ සහතිකය ද සමාගමට හිමි විය.
