ශ්‍රී ලංකා ඇසුරුම් ආයතනය (Sri Lanka Institute of Packaging – SLIP) විසින් සංවිධානය කරන ලද ලංකා ස්ටාර් සම්මාන උලෙළේ දී, එයිට්කන් ස්පෙන්ස් ප්‍රින්ටින්, රන් සම්මාන 4ක්. රිදී සම්මාන 7ක්, සහ ලෝකඩ සම්මාන 16ක් හිමි කර ගත්තේය. එසේම, මුද්‍රණ සහ ඇසුරුම්කරණ ආයතන අතරින් වඩාත්ම කැපී පෙනෙන විශිෂ්ටතම ආයතනය ලෙසට කීර්තිමත් ප්ලැටිනම් සම්මානය හිමි කර ගෙන සමස්ත ජයග්‍රාහකයා බවට පත් වීම ද සුවිශේෂී අවස්ථාවක් විය.
“ලංකා ස්ටාර් සම්මාන උලෙළේ පිළිගැනීමට ලක්වීම මඟින් පෙන්නුම් කරන්නේ නව්‍යකරණය, ගුණාත්මකභාවය සහ පාරිභෝගික තෘප්තිය වෙත අප තුළ ඇති කැපවීමයි. දක්ෂතා සපිරි අප කණ්ඩායමත්, අප යොදා ගන්නා උසස් තාක්ෂණයත් අපට මුද්‍රණ හා ඇසුරුම්කරණ කර්මාන්තයේ නව ඉසව් කරා ආත්මවිශ්වාසයෙන් යුතුව ගමන් කිරීමේ ශක්තිය ලබා දී තිබෙනවා. මෙසේ ගෞරවයට පාත්‍ර වීම, කීර්තිමත් අත්දැකීමක්…” යනුවෙන් එයිට්කන් ස්පෙන්ස් ප්‍රින්ටින් අධ්‍යක්ෂ/ ප්‍රධාන විධායක නිලධාරි දේශාන්ත සිල්වා පැවසීය.
