බුද්ධ ශාසන ආගමික සහ සංස්කෘතික කටයුතු අමාත්‍යාංශය, සංස්කෘතික කටයුතු දෙපාර්තමේන්තුව, ශ්‍රී ලංකා කලා මණ්ඩලය හා රාජ්‍ය නාට්‍ය උපදේශක සභාව එක්ව සංවිධානය කරනු ලැබූ රාජ්‍ය ළමා නාට්‍ය උලෙළ පසුගිය දෙසැම්බර් පළමුවැනිදා අරලියගහ මන්දිරයේදී පැවැතියේ බුද්ධ ශාසන, ආගමික සහ සංස්කෘතික කටයුතු අමාත්‍ය මහාචාර්ය හිනිදුම සුනිල් සෙනෙවිගේ ප්‍රධානත්වයෙනි. වසර 4කට පසුව මෙවර පැවැති 25 වැනි නාට්‍ය උලෙළ රිදී ජුබිලිය ලෙස නම් කර තිබීම ද විශේෂත්වයකි. දිවයිනේ නන් දෙසින් ඉදිරිපත් වූ ත්‍රිත්ව භාෂා ළමා නාට්‍ය පිටපත් 154න් අවසන් වටය සඳහා තේරී ජයග්‍රහණය ලැබූවන්ට සම්මාන ප්‍රදානය එහිදී සිදුවිණි. 
සිව් වසරකට පසුව මෙවර පැවැති රාජ්‍ය ළමා නාට්‍ය රිදී ජුබිලිය ගැන රාජ්‍ය නාට්‍ය උපදේශක සභාවේ සභාපති චන්ද්‍රසිරි බෝගමුව අප අදහස් බෙදාගත්තේය.
සංස්කෘතික කටයුතු දෙපාර්තමේන්තුවට අනුබද්ධව ළමා නාට්‍ය අනු මණ්ඩලයක් මුලින්ම පිහිටුවන්නේ 1996 වසරෙදි. ඒ ඒ ක්ෂේත්‍රයන්ට වෙන වෙනම අනු මණ්ඩල තියෙනවා. ඒ විදිහට ළමා නාට්‍ය සඳහා ළමා නාට්‍ය අනු මණ්ඩලය පිහිටුවන්නෙත් 1996 දී. ඒ අනුව මුල්ම රාජ්‍ය ළමා නාට්‍ය උලෙළ පැවැත්වෙන්නේ 1996දී. 2019 වසර තෙක් අඛණ්ඩව පවත්වාගෙන ආ රාජ්‍ය ළමා නාට්‍ය උලෙළ කොරෝනා වසංගතයත් එක්ක ඇති වුණු ආර්ථික අර්බුදය හේතුවෙන් 2023දී නැවතුණා. වසර 4ක නිහඬතාවකින් පසුව මෙවර 25 වැනි නාට්‍ය උලෙළ පවත්වන්න ලැබීම ලොකු ජයග්‍රහණයක්.
අපි සැලසුම් කළ විදිහට ගිය මාර්තු ඉඳන් මැයි දක්වා ජන මාධ්‍ය ඔස්සේ ප්‍රචාරය කරමින් දිවයින පුරා සිටින නිර්මාණකරුවන්ගෙන් නාට්‍ය පිටපත් කැඳෙව්වා. සිංහල, දමිළ, ඉංග්‍රීසි භාෂා ත්‍රිත්වයෙන්ම නාට්‍ය පිටපත් 154ක් ලැබිල තිබුණා. යොදාගත් නිර්ණායක මාලාවක් පදනම් කරගෙන ඒ අනුව ලකුණු දෙන ක්‍රමයක් මත ඉන් 40ක් අපි අවසන් වටය සඳහා තෝරා ගත්තා. දෙවැනි වටය සඳහා සුදුසුකම් ලබන තිරපිටපත් තෝරාගනු ලැබුවේ තුන්දෙනෙකුගෙන් යුතු විනිශ්චය මණ්ඩලයකින්. ඔවුන් ළමා නාට්‍ය පිළිබඳ ප්‍රාමාණික දැනුමක් ඇති විද්වතුන් වීම විශේෂයි. අමිතා රබ්බිඩිගල, සභාපති විදිහට චන්ද්‍රසිරි බෝගමුව සහ පද්මසිරි ප්‍රනාන්දු කියන විනිශ්චය මණ්ඩලයෙන් තේරුණු පිටපත් දෙවැනි වටය සඳහා සුදුසුකම් ලැබුවා. ඉන් අවසන් වටය සඳහා තිරපිටපත් 40ක් තෝරාගනු ලැබුවා.
අවසන් වටයේදී භාෂා ත්‍රිත්වයෙන්ම ලැබුණු පිටපත් සීමිත සහ විවෘත ලෙස අංශ දෙකකට වෙන් කළා. සීමිත අංශය සඳහා ඉදිරිපත් විය හැක්කේ පාසල් ළමුන්ට හා පාසල් ගුරුභවතුන්ට පමණයි. විවෘත අංශය සඳහා වයස් සීමාවක් නෑ. තනි පුද්ගලයෙක්, කණ්ඩායමක් හෝ කලා ආයතනයක් විදිහකට වුණත් ඉදිරිපත් වෙන්න පුළුවන්. අවසන් වටය සඳහා සිංහල නාට්‍ය පිටපත් 24ක් දමිළ නාට්‍ය පිටපත් 10 සහ ඉංග්‍රීසි නාට්‍ය පිටපත් 6ක් තෝරාගනු ලැබුවා.
අවසන් වටයට තේරුණු නාට්‍ය වේදිකාගත කිරීමේ ඇරඹුණේ ලෝක ළමා දිනය යෙදුණු ඔක්තෝබර් 1 වැනිදා. ඔක්. 1 – 10 තෙක් දින 10 තුළ දිනකට නාට්‍ය 4 බැගින් නාට්‍ය 40 වේදිකාගත කළා. අවසන් වටය විශාල පිරිසකගේ සහභාගිත්වයෙන් මරදාන ටවර් රඟහලේදී වේදිකාගත වුණේ ළමා නාට්‍ය පිළිබඳ හසළ දැනුමක් ඇති ඒවායේ අත්දැකීම් බහුල ළමා නාට්‍ය නිෂ්පාදනය, අධ්‍යක්ෂණය හරහා සම්මාන ලැබූ විද්වත් පිරිසකගේ විනිශ්චයෙන්. මහනුවර කිංස්වුඩ් විද්‍යාලයේ ළමා නාට්‍ය නිෂ්පාදනය හා අධ්‍යක්ෂණය පිළිබඳ දැනුමැති අමිතා රබ්බිඩිගල, කොළඹ කලාපයේ නාට්‍ය හා රංග කලාව ගුරු උපදේශක සෙනෙවිරත්න රුද්‍රිගු, ගුරුවරියක් මෙන්ම නාට්‍ය නිර්මාණයේ සම්මාන ලබා ඇති ප්‍රියංවදා ගොඩගේ, නාට්‍ය රචක හා සම්මානලාභී රංගන ශිල්පී ශාම් ප්‍රනාන්දු, සංගිතඥ එම්. ජී. චූලසිංහ වගේම දමිළ භාෂා ප්‍රවීණ ජ්‍යෙෂ්ඨ මාධ්‍යවේදී වී. විශ්වනාදන් සහ ජන කවි ඇසුරින් නාට්‍ය නිර්මාණය කර සම්මාන ලැබූ එම්. කාලිදාස් යන මහත්ම මහත්මීන් විනිශ්චය සඳහා සහභාගී වුණා. උතුරු නැඟෙනහිර ඇතුළුව නන් දෙසින් වැඩිම ළමා නාට්‍ය පිටපත් සංඛ්‍යාවක් ඉදිරිපත් කර තිබුණු ළමා නාට්‍ය උලෙළ මෙය වීමත් විශේෂත්වයක්.
සිව් වසරකට පසුව පැවැති රිදී ජුබිලිය අතිඋත්කර්ෂවත් අයුරින් පැවැත්වීම සඳහා නන් අයුරින් සහාය දුන් සියලුම දෙනාට ස්තුතිය පළ කරන්නත් මං මේක අවස්ථාවක් කරගන්නවා. විශේෂයෙන්ම සංස්කෘතික කටයුතු දෙපාර්තමේන්තුවේ අධ්‍යක්ෂිකා යසින්තා ගුණවර්ධන, සහකාර අධ්‍යක්ෂ කසුන් සෙනෙවිරත්න ඇතුළු නිලධාරී මණ්ඩලය, රාජ්‍ය නාට්‍ය උපදේශක සභාවේ ලේකම් ඒ. එම්. ඒ. බණ්ඩාර සහ සහකාර ලේකම්වරුන් වන අජිත් රත්නායක සහ අමදා අබේවික්‍රම වගේම නේෂන් සිව යන මහත්ම මහත්මීන්ට ස්තුතිවන්ත වෙනවා.
මෙවර රාජ්‍ය ළමා නාට්‍ය උලෙළේ සිංහල අංශයේ සම්මානලාභීන් 
වසරේ හොඳම නාට්‍ය නිෂ්පාදනය ( සිංහල සීමිත) – හෝමාගම මහින්ද රාජපක්ෂ විද්‍යාලයේ ‘බෙදාගෙන කමුද ළමා නාට්‍ය’ – රුවන් හෙට්ටිආරච්චි
වසරේ හොඳම නාට්‍ය නිෂ්පාදනය ( සිංහල විවෘත)
‘හත් පෙති මලේ කෝ ශේන්යා’ ළමා නාට්‍ය – ධනුෂිකා නයනකුමාරි සහ නිලංක නාමල් උඩුමුල්ල
වසරේ හොඳම රංගනය ( පිරිමි ) ( සිංහල විවෘත )
‘හත් පෙති මලේ කෝ ශේන්යා’ ළමා නාට්‍යයේ Mr. Moon ගේ චරිතය රඟපෑ ජෙනට් ඇන්තනී
වසරේ හොඳම රංගනය ( ගැහැනු ) ( සිංහල විවෘත ) ‘පුංචි පැලේ සුරංගනාවි’ ළමා නාට්‍යයේ හයිඩිගේ චරිතය රඟපෑ එච්. එම්. වයි. ජේ. බණ්ඩාර හේරත්
වසරේ හොඳම රංගනය ( සිංහල සීමිත ) බාලක
බදුල්ල හාලිඇළ මධ්‍ය මහා විද්‍යාලයේ ‘පාට පාට සරුංගල්’ ළමා නාට්‍යයේ පොඩ්ඩාගේ චරිතය රඟපෑ ඩී. එම්. සඳරු අධීෂ
වසරේ හොඳම රංගනය ( සිංහල සීමිත) බාලිකා
හෝමාගම මහින්ද රාජපක්ෂ විද්‍යාලයේ ‘බෙදාගෙන කමුද’ ළමා නාට්‍යයේ මීයක්කාගේ චරිතය රඟපෑ එම්. ඒ. යුනෙලි යසස්මි අභිෂෙක්‍යා
වසරේ හොඳම පිටපත් රචනය ( සිංහල සීමිත) වාදුව මධ්‍ය විද්‍යාලයේ ‘අසිපත් හරඹ’ ළමා නාට්‍යයේ ඊ. එම්. තුෂංකා ප්‍රියභාෂිනි ජයමාන්න
වසරේ හොඳම පිටපත් රචනය ( සිංහල විවෘත)
‘පාට පාට’ ළමා නාට්‍යයේ සිතූ නිර්මිත
වසරේ හොඳම රංග වින්‍යාසය ( සිංහල සීමිත )
අනුරාධපුර මධ්‍ය විද්‍යාලයේ ‘මකර බිත්තරය’ ළමා නාට්‍යයේ පී. ඒ. සමන් පුෂ්ප කුමාර
වසරේ හොඳම රංග වින්‍යාසය ( සිංහල විවෘත)
‘නිල් රෝස’ ළමා නාට්‍යයේ දේවාංගනී රංගනා දිසානායක
වසරේ හොඳම සංගීත නිර්මාණය ( සිංහල සීමිත)
හෝමාගම මහින්ද රාජපක්ෂ විද්‍යාලයේ ‘බෙදාගෙන කමුද’ ළමා නාට්‍යයේ අනුෂ්ක හේමාල්
වසරේ හොඳම සංගීත නිර්මාණය ( සිංහල විවෘත)
‘හත් පෙති මලේ කෝ ශේන්යා’ ළමා නාට්‍යයේ ලහිරු මාඩිවිල
වසරේ හොඳම අංගරචනය ( සිංහල සීමිත)
පිළියන්දල මධ්‍ය විද්‍යාලයේ ‘සතුට රජවෙලා’ ළමා නාට්‍යයේ උපාලි ටෙනිසන් සහ චමෝද් කල්ප
වසරේ හොඳම අංගරචනය (සිංහල විවෘත )
‘එලීසාගේ නගරය’ ළමා නාට්‍යයේ නවෝදනී කෞශල්‍යා සෙනවිරත්න
වසරේ හොඳම රංග වස්ත්‍ර නිර්මාණය ( සිංහල සීමිත) හෝමාගම මහින්ද රාජපක්ෂ විද්‍යාලයේ ‘බෙදාගෙන කමුද’ ළමා නාට්‍යයේ යූ. එල්. ආර්. මදාරා
වසරේ හොඳම රංග වස්ත්‍ර නිර්මාණය ( සිංහල විවෘත)
‘නිල් රෝස මල්’ ළමා නාට්‍යයේ එච්. එම්. නුවන්ති කේ. හේරත්
වසරේ හොඳම වේදිකා පසුතල නිර්මාණය ( සිංහල සීමිත) අනුරාධපුර මධ්‍ය විද්‍යාලයේ ‘මකර බිත්තරය’ ළමා නාට්‍යයේ රත්නසිරි වල්පිට සහ ඩබ්. කේ. ඔවිදු කිතුසර වල්පිට
වසරේ හොඳම වේදිකා පසුතල නිර්මාණය ( සිංහල විවෘත) ‘එලිසා නගරය’ ළමා නාට්‍යයේ සුරංජිත් සමීර රණසිංහ සහ ඒ. ඒ. එස්. සම්පත් පෙරේරා
වසරේ හොඳම වේදිකා පරිපාලනය ( සිංහල සීමිත)
පිළියන්දල මධ්‍ය විද්‍යාලයේ ‘සතුට රජවෙලා’ ළමා නාට්‍යයේ නිමේෂ් මෙත්සර සහ කවිරු රොෂාන්
වසරේ හොඳම වේදිකා පරිපාලනය ( සිංහල විවෘත) ‘හත් පෙති මලේ කෝ ශේන්යා’ ළමා නාට්‍යයේ සුභාග්‍යාකේෂරී ද සිල්වා සහ එල්. එම්. සනීදී පමෝද්‍යා බණ්ඩාර
වසරේ හොඳම වේදිකා රංගාලෝකය ( සිංහල සීමිත) රත්නපුර ලයිසියම් ජාත්‍යන්තර පාසලේ ‘වලාකුළු නැව’ ළමා නාට්‍යයේ නිලංක නාමල් උඩුමුල්ල
වසරේ හොඳම වේදිකා රංගාලෝකය ( සිංහල විවෘත) ‘නිල් රෝස මල’ ළමා නාට්‍යයේ සමන් මලලසේකර
රාජ්‍ය ළමා නාට්‍ය උලෙළේ ඉංග්‍රීසි අංශයේ සම්මානලාභීන්
වසරේ හොඳම රංගනය ( පිරිමි ) ( ඉංග්‍රීසි සීමිත )
‘You are the best’ ළමා නාට්‍යයේ John ගේ චරිතය රඟපෑ ගම්පහ ලයිසියම් ජාත්‍යන්තර පාසලේ ඉසිඳු බටගොඩ
වසරේ හොඳම රංගනය ( ගැහැනු ) ( ඉංග්‍රීසි සීමිත )
‘You are the best’ ළමා නාට්‍යයේ cat ගේ චරිතය රඟපෑ ගම්පහ ලයිසියම් ජාත්‍යන්තර පාසලේ ටාන්‍යා රාජගුරු
වසරේ හොඳම රංගනය ( පිරිමි ) ( ඉංග්‍රීසි විවෘත )
‘The Dreams Of Winder’ ළමා නාට්‍යයේ Uncle Harry ගේ චරිතය රඟපෑ W.N.A. දුලාන් වීරසිංහ
වසරේ හොඳම රංගනය ( ගැහැනු ) ( ඉංග්‍රීසි විවෘත)
‘The Underworld Journey ළමා නාට්‍යයේ Meena ගේ චරිතය රඟපෑ W.H.N. චන්තුලී සුද්දත්චාරි
වසරේ හොඳම ළමා නාට්‍ය නිෂ්පාදනය (ඉංග්‍රීසි සීමිත)
‘You are the best’ ළමා නාට්‍යය නිෂ්පාදනය වෙනුවෙන් ගම්පහ ලයිසියම් ජාත්‍යන්තර පාසලේ සුදර්ශන බණ්ඩාර
වසරේ හොඳම ළමා නාට්‍ය නිෂ්පාදනය (ඉංග්‍රීසි විවෘත)
‘The Dreams Of Winder’ ළමා නාට්‍යය නිෂ්පාදනය වෙනුවෙන් W.N.A. දුලාන් වීරසිංහ
වසරේ හොඳම ළමා නාට්‍ය රංගාලෝකය (ඉංග්‍රීසි සීමිත)
‘You are the best’ ළමා නාට්‍යය වෙනුවෙන් ගම්පහ ලයිසියම් ජාත්‍යන්තර පාසලේ සුදර්ශන බණ්ඩාර
වසරේ හොඳම ළමා නාට්‍ය රංගාලෝකය (ඉංග්‍රීසි විවෘත)
‘The Dreams Of Winder’ ළමා නාට්‍යය වෙනුවෙන් රංග කාරියවසම්
හොඳම වේදිකා පරිපාලනය (ඉංග්‍රීසි සීමිත)
‘You are the best’ ළමා නාට්‍යය වෙනුවෙන් ගම්පහ ලයිසියම් ජාත්‍යන්තර පාසලේ දෙව්රුක් රත්නායක සහ විනද්‍යා ශන්කලා
හොඳම වේදිකා පරිපාලනය (ඉංග්‍රීසි විවෘත)
‘The Dreams Of Winder’ ළමා නාට්‍යය වෙනුවෙන් පැතුම් ආකර්ෂණ සවින්ද
හොඳම වේදිකා පසුතල නිර්මාණය (ඉංග්‍රීසි සීමිත)
‘You are the best’ ළමා නාට්‍යය වෙනුවෙන් ගම්පහ ලයිසියම් ජාත්‍යන්තර පාසලේ ජෙනිෆර් ජොන්සන්
හොඳම වේදිකා පසුතල නිර්මාණය (ඉංග්‍රීසි විවෘත)
‘The Dreams Of Winder’ ළමා නාට්‍යය වෙනුවෙන් W.N.A. දුලාන් වීරසිංහ
හොඳම වස්ත්‍රාභරණ නිර්මාණය (ඉංග්‍රීසි සීමිත)
‘You are the best’ ළමා නාට්‍යය වෙනුවෙන් ගම්පහ ලයිසියම් ජාත්‍යන්තර පාසලේ ඉෂාන් රත්නායක සහ ජෙනිෆර් ජොන්සන්
හොඳම වස්ත්‍රාභරණ නිර්මාණය (ඉංග්‍රීසි විවෘත)
‘The Dreams Of Winder’ ළමා නාට්‍යය වෙනුවෙන් ඉරේෂා ජානකී
හොඳම වේශ නිරූපණය (ඉංග්‍රීසි සීමිත)
‘You are the best’ ළමා නාට්‍යය වෙනුවෙන් ගම්පහ ලයිසියම් ජාත්‍යන්තර පාසලේ සුදර්ශන බණ්ඩාර සහ ඉෂාන් රත්නායක
හොඳම වේශ නිරූපණය (ඉංග්‍රීසි විවෘත)
‘The Best Book’ ළමා නාට්‍යය වෙනුවෙන් චමෝදි දයාවංශ
හොඳම සංගීත නිර්මාණය (ඉංග්‍රීසි සීමිත)
‘You are the best’ ළමා නාට්‍යය වෙනුවෙන් ගම්පහ ලයිසියම් ජාත්‍යන්තර පාසලේ බිනුදි කහඳ සහ ටිනාරා කහඳ
හොඳම සංගීත නිර්මාණය (ඉංග්‍රීසි විවෘත)
‘The Underworld Journey’ ළමා නාට්‍ය වෙනුවෙන් මලිෂා දක්ෂිණා බෙලිගස්වත්ත
හොඳම තිරපිටපත (ඉංග්‍රීසි සීමිත)
‘You are the best’ ළමා නාට්‍යය වෙනුවෙන් ගම්පහ ලයිසියම් ජාත්‍යන්තර පාසලේ සුදර්ශන බණ්ඩාර
හොඳම තිරපිටපත (ඉංග්‍රීසි විවෘත)
‘The Underworld Journey’ ළමා නාට්‍ය වෙනුවෙන් M.P.D.P. නන්දරත්න
හොඳම නර්තන වින්‍යාසය (ඉංග්‍රීසි සීමිත)
‘You are the best’ ළමා නාට්‍යය වෙනුවෙන් ගම්පහ ලයිසියම් ජාත්‍යන්තර පාසලේ ඉෂාන් රත්නායක
හොඳම නර්තන වින්‍යාසය (ඉංග්‍රීසි විවෘත)
‘The Dreams Of Winder’ ළමා නාට්‍යය වෙනුවෙන් W.N.A. දුලාන් වීරසිංහ
