විදත් කාඩ්පතින් කප්පමට විසඳුමක්!

පෞද්ගලික බස්රථවල ගමන් කරන මගීන් සඳහා විදත් ගෙවීම් පත්‍රයක් ඉතා ඉක්මනින් මෙන්ම අනිවාර්යයෙන් හඳුන්වා දිය යුතුව ඇතැයි ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න අවධාරණය කරයි.

මගීන් මේ විදත් ගෙවීම් පත්‍රය දීර්ඝකාලීනව භාවිතයේදී පෞද්ගලික බස් හිමියන් මුහුණපාන ප්‍රධානම ප්‍රශ්නය කප්පම් කල්ලිවලට කප්පම් මුදල් ලබාදීමෙන් පෞද්ගලික බස් සේවකයන්ට වැළකී සිටිය හැකි බව ද ගැමුණු විජේරත්න අවධාරණය කරයි. ඔහු පෙන්වා දුන්නේ කප්පම් කණ්ඩායම් මාසයකට රුපියල් කෝටි 25ක් පමණ පෞද්ගලික බස් රථවලින් ලබාගන්නා බවයි.

මේ තත්වය වැළැක්වීම සඳහා පොලීසිය මේ වන විට උපරිම ලෙස සිය දායකත්වය ලබාදෙන බව පැවැසූ ගැමුණු විජේරත්න සඳහන් කෙළේ මේ වන විට පෞද්ගලික බස් 13,000 – 14,000 අතර සංඛ්‍යාවක් දෛනිකව ධාවනය වන බවයි.